U minskim mietro raskazali, jakija kaštoŭnyja rečy zabyvajuć u śpiešcy pasažyry
U Minskim mietrapalitenie kožnyja sutki pieramiaščajecca da 750 tysiač čałaviek. Naturalna, što nie abychodzicca biez taho, što ŭ śpiešcy niekatoryja pasažyry niešta ŭ im hublajuć. Padrabiaznaści raskazali ŭ pres-słužbie pradpryjemstva.
«Tolki za minułyja sutki, z 7:00 18 śniežnia da 7:00 19 śniežnia, u mietro byli znojdzienyja niekalki bankaŭskich kart, sumka z noŭtbukam i dakumientami, prajaznyja i studencki bilety, pašpart, katałoh tkanin, kiejs z navušnikami i niekatoryja inšyja pradmiety», — paviedamlaje pres-słužba.
Uviečary 18 śniežnia adzin z pasažyraŭ znajšoŭ u piešachodnym pierachodzie na stancyi mietro «Kamiennaja Horka» partmane, u jakim byli paśviedčańnie kiroŭcy i 1675 rubloŭ.
«Usio heta prystojny čałaviek dobrasumlenna pieradaŭ inśpiektaru słužby biaśpieki mietrapalitena», — adznačyli na pradpryjemstvie.
U toj ža dzień adna z pasažyrak znajšła ŭ viestybiuli stancyi mietro 100 rubloŭ i taksama pieradała ich achoŭniku.
«Takich vypadkaŭ za hod adbyvajecca dosyć šmat, — padkreślili ŭ pres-słužbie. — My vielmi ŭdziačnyja ŭsim našym pasažyram, jakija sadziejničajuć viartańniu rečaŭ i hrašovych srodkaŭ tym, chto ich «pasiejaŭ». Heta vielmi prystojna i hodna».
Akramia taho, na pradpryjemstvie vykazali ŭdziačnaść kaleham z roznych strukturnych padraździaleńniaŭ — u pieršuju čarhu, słužby biaśpieki, słužby ruchu, słužby puciej i tunelnych zbudavańniaŭ, jakija kožny dzień znachodziać u mietro roznyja pradmiety i materyjalnyja kaštoŭnaści. Jany pieradajuć ich va ŭstanoŭlenym paradku adpaviednym supracoŭnikam, jakija afarmlajuć hetyja znachodki i zabiaśpiečvajuć ich časovaje zachoŭvańnie.
U mietrapalitenie źviarnuli ŭvahu pasažyraŭ: kali chtości niešta zhubiŭ na terytoryi abjektaŭ mietro, treba telefanavać na haračuju liniju pradpryjemstva (pracuje štodnia z 8:00 da 20:00) pa haradskim numary: (+375 17) 383-83-83. Supracoŭniki pasprabujuć dapamahčy, kali takija pradmiety byli znojdzienyja inšymi pasažyrami abo rabotnikami padziemki.
Kamientary