Žančyna abaviazałasia kampiensavać čatyry tysiačy jeŭra.
U aŭstryjskaj Vienie za kradziež kaśmietyčnych srodkaŭ zatrymali 54-hadovuju biełarusku, piša «Biełaruś i śviet».
Incydent adbyŭsia ŭ aŭtorak 17 červienia kala 13.30 dnia ŭ kramie farmatu drahiery na vulicy Maryjachilfierštrase.
Supracoŭnik słužby biaśpieki zaŭvažyŭ žančynu, jakaja chavała kaśmietyku ŭ spartyŭnaj sumcy, a zatym nakiravałasia da vychadu biez apłaty. Jon taksama apaznaŭ jaje jak žančynu, što krała tut niekalkimi dniami raniej.
Kali na miesca pa vykliku prybyli vartavyja paradku, naša suajčyńnica pryznałasia va ŭčynienym pravaparušeńni i zajaviła, što zapłacić usiu sumu škody, jakaja składaje bolš za 4 tysiačy jeŭra.
Pa rašeńni prakuratury žančynu da suda adpuścili, nie staŭšy ŭžyvać da jaje mieru ŭtrymańnia pad vartaj.
Kamientary