Volha Sieviaryniec: Salidarnaść była biaskoncaj, jaje zacanili navat hebisty
Volha Sieviaryniec, žonka byłoha palitviaźnia Paŭła Sieviarynca, raskazała ŭ vialikim intervju «Radyjo Svaboda», ź jakoj nievierahodnaj salidarnaściu z boku ludziej sutykałasia jaje siamja ŭ toj čas, kali Pavieł byŭ za kratami.
«Vykazać usiu tuju luboŭ, padtrymku, salidarnaść, jakuju biełarusy akazvali našaj siamji ŭ Biełarusi, nie chopić ni słoŭ, ni historyj.
Była adna žančyna, jakuju ja nazyvała Francišku ciociaj. I jon paśla vielmi ździviŭsia, što heta nie jaho rodnaja ciocia.
Jość ludzi, jakija nibyta ŭziali nas na ruki i panieśli. Jany pryjšli ŭ našu siamju i stali jak rodnyja. Ja musiła adniekavacca, što nie treba ŭžo nijakaj dapamohi, pamažycie moža inšym. A jany kažuć: «Skažycie, što zaŭhodna, što vam treba, my ŭsio zrobim, my ŭsio pryviaziem».
Pieršaje Rastvo biez Paŭła ŭ nas skrynia z-pad televizara była zapoŭnienaja cukierkami. Ludzi prynosili. My ich jeli da vosieni nastupnaha hoda. Usia šafa była zastaŭlenaja padarunkami. My nie viedali, što ź imi rabić.
Hebisty raz pryjšli, adkryli šafu i kažuć: «Heta chiba što padarunki». A ja adkazała: «Tak, bačycie jak nas padtrymlivajuć». Navat jany heta zacanili.
Salidarnaść była biaskoncaj. Kali časam było ciažka, to śvietłych biełarusaŭ było ŭ sotni razoŭ bolej», — havoryć Volha Sieviaryniec.
Daškievič, Dziadok i Sieviaryniec apublikavali sumiesnaje FOTA
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka
Sieviaryniec pra svaju historyju kachańnia: Heta nietypova dla siońniašniaha śvietu
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu
Deputatka, jakaja rychtuje pryhažuń dla Łukašenki, vyjšła zamuž23
Kamientary