Zamiest udaru pa Iranie ZŠA ŭviali sankcyi suprać iranskich čynoŭnikaŭ
Prezident ZŠA Donald Tramp raniej zajaŭlaŭ, što ŭ vypadku vykanańnia śmiarotnych prysudaŭ Vašynhton adreahuje «vielmi rašuča», namiakajučy na mahčymaść siłavoha ŭmiašańnia. Adnak 14 studzienia jon paviedamiŭ, što, pavodle najaŭnaj u jaho infarmacyi, zabojstvy ŭ Iranie spynilisia i masavych pakarańniaŭ śmierciu nie płanujecca. Tamu reakcyja ZŠA kudy bolš miakkaja, čym płanavałasia raniej, piša Euronews.
ZŠA abviaścili pra ŭviadzieńnie sankcyj suprać iranskich čynoŭnikaŭ, jakich ličać datyčnymi da padaŭleńnia pratestaŭ, u tym liku sakratara Vyšejšaj rady nacyjanalnaj biaśpieki Irana Ali Łarydžani.
Sankcyi praduhledžvajuć zamarožvańnie aktyvaŭ i zabaronu amierykanskim kampanijam vieści ź imi biznes. Akramia taho, abmiežavańni zakranuć kala dvuch dziasiatkaŭ asob i kampanij, źviazanych ź nielehalnymi finansavymi schiemami pa prodažy iranskaj nafty i naftapraduktaŭ.
Raniej iranskija ŭłady zajavili, što nie majuć namieru karać śmierciu ŭdzielnikaŭ pratestaŭ, jakija, pavodle śviedčańniaŭ pravaabaroncaŭ i ŚMI, masava ŭtrymlivajucca ŭ turmach pa ŭsioj krainie. Pra heta ŭ intervju žurnalistam paviedamiŭ ministr zamiežnych spraŭ Irana Abas Arakčy. Sudovyja orhany taksama abvierhli źviestki pra toje, što aryštavany padčas pratestaŭ Erfan Sałtani nibyta byŭ prysudžany da śmiarotnaha pakarańnia.
26‑hadovy Sałtani zaraz znachodzicca ŭ źniavoleńni ŭ Karadžy kala Tehierana. Jamu inkryminujuć prapahandu suprać isłamskaj sistemy i pahrozu nacyjanalnaj biaśpiecy. Pavodle zajaŭ uładaŭ, takija abvinavačańni praduhledžvajuć turemny termin, a nie śmierć.
Raniej pravaabarončyja arhanizacyi śćviardžali, što siamju Sałtani prainfarmavali pra vyniesieny i nibyta zaćvierdžany śmiarotny prysud, a sprava razhladałasia z parušeńniem prava na spraviadlivy sud i biez dostupu da abranaha advakata.
Akramia Sałtani, pad vartaj zastajucca bolš za 10 tysiač udzielnikaŭ pratestaŭ. Pravaabaroncy z samaha pačatku vystupleńniaŭ papiaredžvali pra mahčymaść masavych represij i prymianieńnia śmiarotnych prysudaŭ, zaklikajučy mižnarodnuju supolnaść umiašacca. Pavodle roznych acenak, kolkaść zahinułych padčas antyŭradavych pratestaŭ vahajecca ad niekalkich tysiač da 15 tysiač čałaviek.
Jak pieradavała ahienctva AFP, Saudaŭskaja Aravija, Aman i Katar uhavaryli Trampa dać Tehieranu «druhi šaniec» i nie nanosić udaraŭ, papiaredziŭšy, što vajennaja apieracyja moža surjozna destabilizavać naftavyja rynki.
Ad udaru pa Iranie Trampa adhavaryli manarchii Piersidskaha zaliva
Kronprync Irana paabiacaŭ pryznać Izrail i spynić jadziernuju prahramu
Iran zakryŭ svaju pavietranuju prastoru
ZŠA mohuć prymianić siłu ŭ Iranie na praciahu 24 hadzin
Tramp abiacaje padtrymku pratestoŭcam u Iranie. Ale ci jość u jaho dastatkovyja siły?
Kamientary
Tolko podstavił iranciev, prizyvaja ich zachvatyvať hosučrieždienija, a v riezultatie nol poddieržki.