U Vialikabrytanii dla paciarpiełaha ŭ avaryi viełasipiedysta nadrukavali na 3D-pryntary častku tvaru

Brystalski miedycynski centr trochmiernaha druku absłuhoŭvaje ŭvieś paŭdniovy zachad Anhlii — i, mabyć, heta pieršy ŭ Vialikabrytanii centr, dzie 3D-vizualizacyja i druk adbyvajucca ŭ adnym pamiaškańni.

Z dapamohaj sučasnych ličbavych technałohij i śpiecyjalizavanaha padychodu ŭ halinie rekanstrukcyi tkanak hety centr dapamahaje pacyjentam z traŭmami.

Dejv Ryčards, žychar hrafstva Devon, raspavioŭ, što paśla avaryi centr dapamoh jamu «adčuć siabie značna bolš kamfortna».

U lipieni 2021 hoda 75-hadovy Ryčards razam z dvuma siabrami padarožničaŭ na rovary ŭ hrafstvie Somiersiet na zachadzie Anhlii. Zzadu ich dahnaŭ aŭtamabil.

«Jon (kiroŭca) dahnaŭ nas zzadu, jon razmaŭlaŭ pa telefonie, — raspavioŭ Ryčards. — Jon źbiŭ dvuch maich siabroŭ, u vyniku čaho ŭ ich byli šmatlikija pierałomy. Ale ja apynuŭsia zacisnutym pad aŭtamabilem i atrymaŭ mocnyja apioki adnaho boku cieła i tvaru, a taksama traŭmy rebraŭ z pravaha boku».

Pavialičyć

Paśla niekalkich apieracyj pa rekanstrukcyi ŭ balnicy Sautmid u Brystoli i reabilitacyi z udziełam lekaraŭ roznych śpiecyjalnaściej Dejv pačaŭ viartacca da narmalnaha žyćcia.

Jon praciahvaje naviedvać Brystalski miedycynski centr, dzie jamu niadaŭna ŭstalavali pratezy tvaru. Centr vyrabiŭ dla mužčyny vialiki pratez vačnicy i šyny dla šnaraŭ na šyi. Ryčardsu taksama mohuć zrabić 3D-skan tvaru, kab stvaryć jaho kopiju, a potym raspracavać formy dla hetych pratezaŭ.

«U bolšaści vypadkaŭ ludzi ničoha nie zaŭvažajuć. Mnie daviałosia žyć z hetym čatyry hady. Časta ludzi nie zaŭvažajuć, nie kažuć ničoha abo prymajuć mianie takim, jaki ja jość», — raspavioŭ Dejv.

Jon dadaŭ: «Kali ja źbirajusia kantaktavać ź inšymi ludźmi, ja adčuvaju siabie značna bolš kamfortna, kali hladžu ŭ lusterka i baču, što vyhladaju narmalna».

Brystalski miedycynski centr 3D adkryŭsia ŭ krasaviku na terytoryi staroha špitala Frenčej na ŭskrainie horada.

Centr abjadnoŭvaje novyja navukovyja i technałahičnyja pasłuhi i staŭ adnoj ź pieršych ustanoŭ Nacyjanalnaj słužby achovy zdaroŭja, jakaja atrymała pryntar PEEK, jaki vyrablaje pratezy na zakaz pry tempieratury da 200 hradusaŭ Celsija.

Aparat dla skanavańnia, ustalavany ŭ śpiecyjalnym pakoi, moža stvaryć ličbavuju madel čałaviečaha cieła.

Technałohii centra ŭžo davoli šyroka ŭžyvajucca. Naprykład, tut stvorana 3D-madel paškodžanaj nyrki, jakaja pakazvaje chirurham nie tolki vobłaść, što padlahaje vydaleńniu, ale i niervy i kryvianosnyja pasudziny, jakija nieabchodna zachavać.

• 0
• 0
• 0
• 0
• 0
• 0
• 0
• 0