Sud pryniaŭ rašeńnie ab vysialeńni Łarysy Dolinaj z pradadzienaj joj kvatery
Łarysa Dolina pavinna vysielicca z kvatery ŭ Chamoŭnikach. Sud zadavoliŭ patrabavańni pakupnicy Paliny Łurje.
Sud zadavoliŭ patrabavańni pakupnicy kvatery Paliny Łurje da Łarysy Dolinaj i členaŭ jaje siamji ab spynieńni prava karystańnia žyłym pamiaškańniem, paviedamlaje pres-słužba maskoŭskich sudoŭ.
Rašeńnie ŭstupiła ŭ siłu — śpiavačku, jaje dačku i ŭnučku zdymajuć z rehistracyi.
Minułym letam Dolina pad upłyvam machlaroŭ pradała svaju kvateru i pieradała im atrymanyja za jaje 112 młn rasijskich rubloŭ. Adnak zatym Dolina damahłasia pryznańnia ździełki fiktyŭnaj, i sud kanfiskavaŭ kvateru ŭ pakupnicy Paliny Łurje i viarnuŭ jaje artystcy.
Paśla hetaha śpiavačka sutyknułasia z hramadskim asudžeńniem, a vypadki, kali pradaviec sprabuje asprečyć ździełku, zajaŭlajučy, što staŭ achviaraj machlaroŭ, pačali nazyvać «efiektam Dolinaj».
16 śniežnia Viarchoŭny sud pryniaŭ rašeńnie na karyść pakupnicy kvatery Paliny Łurje i pastanaviŭ razhledzieć pytańnie ab vysialeńni śpiavački.
Raniej advakat Łurje Śviatłana Śvirydzienka raskazała, što Dolina paprasiła dazvolić joj zastacca ŭ kvatery da 1 sakavika nastupnaha hoda, ale jaje klijentka admoviła.
Sud abaviazaŭ jaje vysielicca da 13 studzienia.
Jak vyhladaje znakamitaja kvatera Dolinaj, praź jakuju śpiavačku źnienavidzieli ŭ Rasii
«My pad upłyvam jaje pradavali». «Bieła-Koła» ŭvarvałasia ŭ skandał z kvateraj Dolinaj
U Rasii z-za «efiektu Dolinaj» 3000 siemjaŭ zastalisia biez žylla. Ci varta bajacca biełarusam?
Śpiavačka Łarysa Dolina raskazała, što navat pazyčała hrošy, kab addać ich machlaram. Usiaho ź jaje vyciahnuli kala 4 miljonaŭ dalaraŭ
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj2
Kamientary