Aryštavanyja dyrektary strachavych kampanij TASK i «Pramtransinviest»
Ihara Vołkava i Uładzimira Jafremienku ŭziali pry atrymańni chabaru.
Siłaviki paviedamili pra zatrymańnie dvuch hienieralnych dyrektaraŭ strachavych kampanij, 47 i 62 hadoŭ, a taksama 65-hadovaha mužčynu, jaki raniej zajmaŭ anałahičnuju pasadu. Sami kampanii nie nazyvalisia.
Jak stała viadoma «Našaj Nivie», havorka idzie pra dyrektaraŭ strachavych kampanij TASK i «Promtransinviest» — Ihara Vołkava i Uładzimira Jafremienku.
Abiedźvie kampanii možna ličyć dziaržaŭnymi. TASK (Transpartnaja akcyjaniernaja strachavaja kampanija) naležyć na 75% strukturam Biełčyhunki i na 25% Śbier Banku, a ŭ «Pramtransinvieście» dola dziaržavy pieravyšaje 60%.
62-hadovy Ihar Vołkaŭ uznačalvaje TASK z 2003 hoda. Na pracy jaho niama. Na miescy Vołkava ciapier namieśnik, Vasil Niakrasaŭ. Jon abciakalna raić zvanić načalniku na mabilny: «Jon čałaviek pieradpiensijnaha ŭzrostu, balački ŭ jaho roznyja. Byŭ na balničnych. Moža, i zaraz na balničnym». Na inšyja pytańni ŭ TASKu adkazać nie mohuć.
Druhi zatrymany — 47-hadovy dyrektar «Pramtransinviesta» Uładzimir Jafremienka. U kampanii kažuć, što dyrektara pa pavažlivaj pryčynie niama i bližejšyja paru tydniaŭ nie budzie.
Pavodle źviestak MUS, Vołkaŭ i Jafremienka atrymali dziasiatki tysiač dalaraŭ i jeŭra chabaru. Hrošy im płacili kamiercyjnyja struktury za sadziejničańnie ŭ praciahnieńni supracoŭnictva z kamiercyjnymi strukturami.
Zaviedzienyja kryminalnyja spravy za atrymańnie chabaru ŭ bujnym pamiery.
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»12
Kamientary
Mabyć i stachaputaŭ puścili na razdoj.