Kiraŭnictva minskaha «Dynama» nie pryniało adstaŭku Vadzima Skrypčanki
U paniadziełak adbyłasia sustreča kiraŭnikoŭ minskaha «Dynama», na jakim razhladałasia zajava Vadzima Skrypčanki ab sychodzie z pasady hałoŭnaha treniera «bieła-sinich», paviedamlaje «Biełaruski futboł».
Pa jaho vynikach adstaŭka nie była pryniata i trenierski štab na čale sa Skrypčankam praciahnie pracu jak minimum da kanca pieršaha kruha.
Nahadajem, učora nastaŭnik «bieła-sinich» Vadzim Skrypčanka paśla parazy ŭ hulni 13 tura suprać dziaržynskaha «Arsienała» (1:2) paviedamiŭ pra namier pakinuć pasadu hałoŭnaha treniera kamandy.
U nastupnym tury «Dynama» treba budzie hulać z adnakłubnikami z Bresta na Nacyjanalnym stadyjonie. U 15 tury «bieła-sinija» praviaduć haściavy pajadynak suprać lidara lihi «MŁ Viciebsk».
Pa vynikach 13 matčaŭ padapiečnyja Skrypčanki zajmajuć treci radok u turnirnaj tablicy, adstajučy ad pieršaha miesca na siem punktaŭ.
Kamientary