«Ja padumaŭ: napeŭna, chutka toje samaje budzie sa mnoj». Cichanoŭski raskazaŭ, što źmianiłasia ŭ jaho ŭtrymańni paśla śmierci Navalnaha
Vyzvaleny z dapamohaju ZŠA biełaruski apazicyjanier Siarhiej Cichanoŭski raspavioŭ Associated Press novyja padrabiaznaści pra svaje 5 hadoŭ źniavoleńnia.
Cichanoŭski skazaŭ, što za hady ŭ adzinočnaj kamiery jon «amal zabyŭsia, jak havaryć». Jaho trymali ŭ poŭnaj izalacyi, admaŭlali ŭ miedycynskaj dapamozie i ledź davali ježy.
— Kali b vy bačyli: mnie na talerku kidali ŭsiaho dźvie łyžki kašy — dźvie maleńkija łyžki. Časam mnie davali maleńki ciubik zubnoj pasty, kavałačak myła — jak padačku. Časam davali, časam — nie, — raskazaŭ błohier, dadaŭšy, što nie moh ničoha kupić u turemnaj kramie.
«Heta biezumoŭna katavańni», — skazaŭ Cichanoŭski.
«Supracoŭniki turmy ŭvieś čas kazali mnie: «Ty budzieš tut nie tolki tyja 20 hadoŭ, jakija my ŭžo tabie dali. My asudzim ciabie znoŭ. Ty nikoli nie vyjdzieš. Ty pamreš tut», — paŭtarali jany znoŭ i znoŭ».
Cichanoŭski raspavioŭ, što ŭmovy krychu palepšylisia paśla śmierci rasijskaha apazicyjaniera Alaksieja Navalnaha ŭ kałonii ŭ lutym 2024 hoda.
«Kali pamior Alaksiej Navalny, ja padumaŭ: napeŭna, chutka toje samaje budzie sa mnoj… I tady niešta źmianiłasia. Było vidavočna, što niechta naviersie skazaŭ: «Zrabicie tak, kab jon tut nie pamior. Nam nie patrebny takija prablemy». Stała troški miakčej… U niejki momant pryjšło rasparadžeńnie: Cichanoŭskaha treba pakinuć žyvym, nie zabivać».
Cichanoŭski raskazaŭ, jak za dapamohu jamu asudzili inšaha viaźnia, što siadzieŭ nie za palityku
Cichanoŭski: Ja absalutna padtrymlivaju Ukrainu. Zialenski — hieroj
Cichanoŭski raskazaŭ padrabiaznaści pra sustreču ŭ SIZA KDB u 2020 hodzie
«Napišy, što ty nie suprać, kab ciabie adpravili za miažu». Cichanoŭski raspavioŭ, jak da jaho pryjazdžaŭ Pratasievič
«Ja znachodziŭsia na režymie, jaki nazyvajecca «žestačajšym». Cichanoŭski praź ślozy raskazaŭ pra ŭmovy ŭtrymańnia palitviaźniaŭ
Cichanoŭski raspavioŭ, kolki važyć i jak jaho adkormlivali
«Vyzvaleńnie Biełarusi nie moža pačacca, pakul nie ruchnie pucinski režym» — Cichanoŭski
Cichanoŭski — biełarusam: «Kali vy čakali znak, to voś jon». Prajšła pres-kanfierencyja z vyzvalenymi palitviaźniami
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary