Heta budaŭnictva dobra bačna z MKAD.
Łabaratorny korpus bijafaka BDU, jaki budaŭničy trest № 35 uzvodzić na vulicy Kurčatava ŭ Ščomyślicy, užo hatovy ŭ manalicie: usie try pavierchi i techpavierch, piša «Prystaličča».
Ciapier manalitčyki zaviaršajuć raboty na pierachodnaj halerei, jakaja złučaje novy korpus z vučebnym, zalivajuć padłohi pieršaha paviercha i prystupajuć da hankaŭ.
U budynka budzie sučasny vientylavany fasad z stalovych kampazitnych kasiet i vitražnaha azdableńnia abjomnych trochvuholnych vystupaŭ.
Budtrest № 35 uzvodzić abjekt ułasnymi siłami, na dadzieny momant zadziejničany bolš za 50 čałaviek.
«Na abjekcie pačalisia dachavyja raboty, na 50% vykanana muravańnie źniešnich cahlanych ścien, nastupnymi buduć pieraharodki. Da korpusa padviedzieny źniešnija sietki, akramia aciapleńnia. Jany jašče pavinny być prakładzieny. Staić zadača da kanca hoda zakryć kontur budynka i puścić ciapło, kab možna było vykonvać tynkavalnyja raboty», — kaža prarab Siarhiej Namačenka.
Ciapier čytajuć
Tur abiacaje kampramat na tych, chto praz tyktok skardzicca na ŭłady18
Kamientary