Krainy NATA damovilisia pavialičyć vydatki na abaronu da 5% ad VUP. Raniej na hetym nastojvaŭ Tramp
Siońnia dziaržavy-členy aljansa vydatkoŭvajuć na patreby abarony tolki 2% ad VUP. Pavieličeńnie vydatkaŭ tłumačycca nieabchodnaściu supraćstajać rostu pahrozy z boku Rasii.
Krainy NATA 22 červienia ŭzhadnili zajavu da samita, jaki adbudziecca ŭ Haazie na nastupnym tydni. U dakumiencie dla dziaržaŭ-členaŭ ustanaŭlivajecca meta — 5% vałavoha ŭnutranaha praduktu (VUP) na vydatki, źviazanyja z abaronaj i biaśpiekaj, paviedamlaje Reuters.
Zajava atrymała «zialonaje śviatło» ad usich 32 členaŭ NATA (nieabchodny kansensus), ale stanie aficyjnaj tolki paśla taho, jak jaje zaćvierdziać lidary, u tym liku prezident ZŠA Donald Tramp, na samicie ŭ sieradu.
Ciapierašni metavy pakazčyk vydatkaŭ aljansu na abaronu składaje 2% ad VUP, ale Tramp raniej nastojvaŭ na pavieličeńni hetaha ŭzroŭniu da 5%.
Zhodna z płanam kiraŭnika NATA Marka Rute, krainy dasiahnuć 5% VUP praz pavieličeńnie asnoŭnych vydatkaŭ na abaronu z 2% da 3,5%, a taksama dadatkovyja 1,5% na sumiežnyja artykuły, takija jak adaptacyja daroh i mastoŭ pad vajennuju techniku i kibierbiaśpieka.
Pieršapačatkova Rute prapanoŭvaŭ dasiahnuć novaj mety da 2032 hoda, ale, pavodle dypłamataŭ, kančatkovy termin u tekście — 2035 hod. U 2029 hodzie taksama zapłanavany pierahlad hetaj mety.
U zajavie śćviardžajecca, što značnaje pavieličeńnie vydatkaŭ na abaronu nieabchodnaje, kab supraćstajać rostu pahrozy z boku Rasii. Heta dazvolić Jeŭropie ŭziać na siabie bolšuju adkaznaść za ŭłasnuju biaśpieku.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
Jevropa dołžna byť oboronosposobnoj pieried licom rašizma.