Cichanoŭski: Ja absalutna padtrymlivaju Ukrainu. Zialenski — hieroj
Na pres-kanfierencyi ŭ Vilni, pryśviečanaj vyzvaleńniu 14 palitviaźniaŭ, litoŭski karespandent zadaŭ pytańnie Siarhieju Cichanoŭskamu nakont Kryma i vajny va Ukrainie.
«Ja nikoli nie byŭ prarasiejskim palitykam, ja zaŭsiody byŭ biełarusam, biełaruskim palitykam», — skazaŭ Cichanoŭski.
Pavodle jaho słoŭ, jon nikoli nie mieŭ rasiejskaha pašparta.
«U mianie byŭ biźnies, u mianie byli ofisy ŭ Maskvie, Kijevie i kampanija ŭ Litvie. I heta ŭsio. Ja nikoli nie byŭ prarasiejskim, heta fejki. Naš supolny vorah — heta pucinskaja ŭłada. Pakul jana nie ruchnie, nijakaj pieramohi ŭ Biełarusi nie budzie».
Pra svaju pajezdku ŭ Krym u 2017 hodzie jon kaža: ja tady nie byŭ palitykam i nie zadumvaŭsia pra palityčnyja pytańni, jeździŭ tudy jak pałomnik.
Ja nie staviŭsia [da Kryma] «naš, «vaš». Ja ŭvohule pra heta nie dumaŭ. Ja tady nie zajmaŭsia ni palitykaj, ni błohierstvam, ničoha. Ja byŭ zvyčajnym hramadzianinam, zvyčajnym biełarusam. Biełarusy jeździli tudy, i my jeździli tudy adpačyvać u 2011 hodzie.
«Ja absalutna padtrymlivaju Ukrainu. Prezidentu Zialenskamu vypała takaja ciažkaja dola. Voś toje, što ja pieražyŭ, heta ništo ŭ paraŭnańni z tym, što jon pieražyŭ. Jon dla mianie hieroj. Ja jaho padtrymlivaju absalutna i biezraździelna».
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary