Minabarony Katara paviedamiła, što sistemy SPA krainy paśpiachova adbili rakietnuju ataku na amierykanskuju avijabazu Al-Udejd.
Docha pakidaje za saboj prava na pramy adkaz, suraźmierny charaktaru i maštabam iranskaj ataki, zajaviła MZS Katara ŭ sacsietcy X.
«My paćviardžajem, što Katar pakidaje za saboj prava niepasredna adkazać sposabam, ekvivalentnym charaktaru i maštabu hetaj dziorzkaj ahresii, u adpaviednaści ź mižnarodnym pravam», — adznačyŭ pres-sakratar katarskaha Ministerstva zamiežnych spraŭ Madžed Al Ansary.
U Biełym domie paviedamili, što baza była evakujavanaja tydniem raniej, a irancy atakavali pustuju bazu.
Jak paviedamiła iranskaje ahienctva Tasnim, usiaho było zapuščana šeść rakiet pa kolkaści bombaŭ, jakija amierykancy skinuli na jadziernyja abjekty Irana. Rakietnaja apieracyja atrymała nazvu «Viestka pra pieramohu».
Rada nacbiaśpieki Irana zapeŭniła, što apieracyi Tehierana «nie ŭjaŭlajuć pahrozy abo niebiaśpieki dla siabroŭskaj i braterskaj Dziaržavy Katar i jaje naroda».
Pry hetym iranskija krynicy The New York Times paviedamlajuć, što Iran nibyta navat papiaredziŭ Katar pra budučuju ataku na amierykanskuju bazu, kab minimizavać straty hetaj krainy.
Iran zapuściŭ rakiety pa vajskovych bazach ZŠA ŭ Katary
«Heta ryzykoŭna, ale pakidać jak jość taksama nie varyjant». Frydrych Mierc padtrymaŭ udary ZŠA pa Iranie
«Bury, dzietka, bury!!!» Tramp adreahavaŭ na rost cen na naftu paśla ŭdaraŭ pa Iranie
Raźviedka Izraila: Iran vyviez uzbahačany ŭran ź jadziernych abjektaŭ da ŭdaraŭ ZŠA
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary