«Našaj Nivie» stała viadoma, u čym abvinavačvajuć top-mieniedžmient strachavych kampanij TASK i «Pramtransinviest». Schiema mahčymaja ŭ biełaruskaj ekanomicy, zaviazanaj na dziaržavu. U rynkavaj hetaha b nie dapuściŭ rynak.
Siłaviki paviedamili pra zatrymańnie dvuch hienieralnych dyrektaraŭ strachavych kampanij, a taksama mužčyny, jaki raniej zajmaŭ anałahičnuju pasadu. Sami kampanii nie nazyvalisia.
Havorka idzie pra dyrektaraŭ strachavych kampanij TASK i «Pramtransinviest» — Ihara Vołkava i Uładzimira Jafremienku.
Abiedźvie kampanii možna ličyć dziaržaŭnymi. TASK naležyć na 75% strukturam Biełčyhunki i na 25% Śbier Banku, a ŭ «Pramtransinvieście» dola dziaržavy pieravyšaje 60%.
Pavodle infarmacyi «Našaj Nivy», inšym bokam spravy — tymi, chto davaŭ chabary — stali aŭtaramontniki.
Kiraŭnikoŭ de-fakta dziaržaŭnych strachavych kampanij Ihara Vołkava i Uładzimira Jafremienku abvinavačvajuć u tym, što jany tak uładkoŭvali biznes, kab klijenty ich kampanij pry nastupleńni strachavych vypadkaŭ pryjarytetna źviartalisia da kankretnych pastaŭščykoŭ pasłuh.
Tyja, u svaju čarhu, byccam by vystaŭlali zavyšanuju canu na pasłuhu. Klijentu heta było niavažna, bo ramont kampiensujecca strachavoj kampanijaj. A ramontniki, byccam by, dzialilisia dadatkova zaroblenaj takim čynam roźnicaj ź mieniedžmientam strachaŭščykoŭ.
U hetym i palahaje sens abvinavačvańnia.
Zakony, pa jakich dziejničaje biełaruski strachavy rynak, u asnoŭnym napisany pad takija kampanii, ź vialikaj dolaj dziaržaŭnaj ułasnaści.
Značnaja častka abaviazkovych strachovak — kštałtu strachavańnia adkaznaści kiroŭcaŭ transpartnych srodkaŭ, zdaroŭja, hramadzianskaj adkaznaści, majomaści — robicca tolki praź ich.
Abarotnyja srodki i prybytak takich kampanij składajuć, u vialikaj stupieni, vypłaty ad dziaržaŭnych struktur i abaviazanych hramadzian.
U vypadku apisanaj schiemy častka hetych srodkaŭ, jak traktujuć orhany, pieraraźmiarkoŭvałasia pad vyhladam strachavych vypłat na asabistaje ŭzbahačeńnie mieniedžaraŭ strachavych kampanij.
Siłaviki zajaŭlajuć, što praviarajuć rabotu za minułyja hady mnohich strachavych kampanij. Jak možna mierkavać, buduć šukać ślady takoha rodu schiem pa inšych profilach dziejnaści dziaržaŭnych strachavych kampanij i ichnich partnioraŭ.
U vypadku, kali b u Biełarusi było inšaje rehulavańnie śfiery i kankurencyja pamiž pryvatnymi kampanijami, to takija schiemy paprostu nie mahli b isnavać — tamu što ŭłaśnikam było b niavyhadna častku svajho prybytku pravodzić praz pasiarednikaŭ.
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary
"cieraz" = popieriok čieho-libo, s odnoj storony na druhuju, povierch čieho-libo
Sohłasien, eto prošłyj viek. Nužna konkurientnosť, rientabielnosť i rynočnaja ekonomika.