Iran zapuściŭ šeść rakiet pa vajskovych bazach ZŠA ŭ Katary. Pra huki vybuchaŭ paviedamlajuć žychary stalicy hetaj krainy — Dochi.
Pavodle danych vydańnia Axios, Iran nakiravaŭ šeść balistyčnych rakiet u bok amierykanskich vajskovych abjektaŭ u Katary, u pryvatnaści — na avijabazu Al-Udejd (Al Udeid Air Base), najbujniejšy abjekt VPS ZŠA ŭ rehijonie Piersidskaha zaliva.
Raniej paviedamlałasia, što Iran pierakidaje rakietnyja ŭstanoŭki dla mahčymaha ŭdaru pa siłach ZŠA na Blizkim Uschodzie.
Ambasada ZŠA ŭ Katary rekamiendavała svaim hramadzianam, jakija znachodziacca ŭ hetaj arabskaj krainie, «u jakaści mier zaściarohi» schavacca ŭ schoviščach da dalejšaha paviedamleńnia.
Ułady Katara prypynili paloty ŭ pavietranaj prastory krainy.
Katar nazvaŭ ataku z boku Irana hrubym parušeńniem suvierenitetu dziaržavy i mižnarodnaha prava. MZS krainy napisaŭ u sacsietcy Ch, što pakidaje za saboj prava na adkaz.
Taksama ŭ ministerstvie paćvierdzili, što iranskija rakiety pierachapili katarskija siły SPA, paciarpiełych siarod vajskoŭcaŭ i cyvilnych niama.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary