«Heta ryzykoŭna, ale pakidać jak jość taksama nie varyjant». Frydrych Mierc padtrymaŭ udary ZŠA pa Iranie
Fiederalny kancler Hiermanii Frydrych Mierc vykazaŭsia ŭ abaronu ZŠA i Izraila za ich rašeńnie nanieści ŭdary pa iranskich jadziernych abjektach. Jon zajaviŭ, što nie bačyć padstaŭ dla krytyki dziejańniaŭ hetych krain, niahledziačy na zakliki inšych jeŭrapiejskich lidaraŭ šukać dypłamatyčnaje rašeńnie i nie dapuskać eskałacyi kanfliktu, piša «Jeŭrapiejskaja praŭda».
Frydrych Mierc adznačyŭ, što choć situacyja i ryzykoŭnaja, pakinuć usio jak jość — taksama nie było dobrym varyjantam. Jon ličyć, što ZŠA ŭstupili ŭ kanflikt nie biez padstaŭ i, na jaho dumku, heta nie pryviadzie da hłabalnaha chaosu, choć harantavać niešta ciažka.
Asobna kancler vykazaŭ zaniepakojenaść mahčymym zakryćciom Armuzskaha praliva, jaki maje vialikaje značeńnie dla suśvietnaj handlu. Jon papiaredziŭ, što heta moža vyklikać ciažkija, pakul što niepradkazalnyja nastupstvy dla ŭsich.
Adnoj z pryčyn udaraŭ stała toje, što Iran pačaŭ vyvozić uran ź jadziernych abjektaŭ u nieviadomyja miescy. Mienavita heta, pavodle Mierca, stała šturškom dla izrailskaj ataki tydzień tamu i dla ŭmiašańnia ZŠA ŭ minułyja vychadnyja.
Amierykanskaja apieracyja pad nazvaj «Mołat apoŭnačy» adbyłasia nočču 22 červienia i ŭklučała ŭdzieł bolš jak 125 samalotaŭ, u tym liku stełs-bambavikoŭ B2. ZŠA zajaŭlajuć, što ŭ vyniku iranskija jadziernyja płany byli źniščanyja. U toj ža čas u Hiermanii vykazvajuć zakłapočanaść rostam pahrozy dla amierykanskich baz u rehijonie.
«Bury, dzietka, bury!!!» Tramp adreahavaŭ na rost cen na naftu paśla ŭdaraŭ pa Iranie
Raźviedka Izraila: Iran vyviez uzbahačany ŭran ź jadziernych abjektaŭ da ŭdaraŭ ZŠA
Chamieniei pieradaŭ Pucinu list
Ci ŭdałosia ZŠA źniščyć hałoŭny Iranski jadzierny bunkier, pakul nie zrazumieła
Dziarždep zajaviŭ pra pavyšanuju ryzyku dla amierykancaŭ za miažoj
Kamientary