Tramp zajaviŭ, što Vašynhton i Piekin padpisali handlovaje pahadnieńnie
«My tolki ŭčora padpisali pahadnieńnie z Kitajem. U nas vyznačajucca vydatnyja ździełki. U nas moža nasoŭvacca ździełka ź Indyjaj. Vielmi bujnaja», — skazaŭ prezident ZŠA.
Donald Tramp zajaviŭ, što Vašynhton i Piekin padpisali handlovaje pahadnieńnie, piša Radyjo Svaboda
«My tolki ŭčora padpisali pahadnieńnie z Kitajem. U nas vyznačajucca vydatnyja ździełki. U nas moža nasoŭvacca ździełka ź Indyjaj. Vielmi bujnaja. My adkryjem [dla biźniesu ZŠA] Indyju. U kitajskaj uhodzie my pačynajem adkryvać [dla vytvorcaŭ u ZŠA] Kitaj», — zajaviŭ Tramp padčas vystupu ŭ Biełym domie na mierapryjemstvie, pryśviečanym «vialikamu i pryhožamu» zakonu ab pradaŭžeńni padatkovych ilhot i biudžecie.
Padrabiaznaściaŭ ab dasiahnutym pahadnieńni prezident nie pryvioŭ, ale, sa słoŭ ministra handlu ZŠA Hovarda Lutnika, dakumient zamacavaŭ damoŭlenaści, dasiahnutyja ŭ traŭni na pieramovach u Ženievie. U pryvatnaści, Kitaj abaviazaŭsia pastaŭlać Złučanym Štatam redkaziamielnyja mietały.
«Jany pastaviać nam redkaziamielnyja elemienty. I jak tolki heta adbudziecca, my zdymiem našy miery ŭ adkaz», — paviedamiŭ Lutnik U razmovie z Bloomberg.
Sa słoŭ Lutnika, pahadnieńnie padpisali dva dni tamu. Ministr taksama dadaŭ, što Bieły dom u bližejšy čas płanuje zaklučyć handlovyja pahadnieńni ź dziesiaćciu najbujniejšymi partniorami ZŠA.
Ministerstva kamiercyi KNR, u svaju čarhu, paviedamiła, što Piekin pahadziŭsia ŭchvalać zajaŭki na ekspart kantralavanych tavaraŭ. U adkaz Vašynhton častkova zdymie dziejnyja abmiežavańni.
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju8
Kamientary