Ministr suviazi raskazaŭ, čaho dasiahnuli abmiežavańniami na bieźlimitny internet
Ministr suviazi i infarmatyzacyi Kirył Zaleski zajaviŭ u intervju dziaržaŭnamu telebačańniu, što paśla ŭviadzieńnia abmiežavańniaŭ na chutkaść bieźlimitnaha mabilnaha internetu nahruzka na sietki ŭ Biełarusi istotna źniziłasia.
Kirył Zaleski dadaŭ, što novyja praviły dziejničajuć ź lutaha hetaha hoda. Pavodle ich, abanienty mohuć karystacca internetam na maksimalnaj chutkaści ŭ miežach 30 hihabajtaŭ trafiku za miesiac. Paśla pieravyšeńnia hetaha abjomu chutkaść źnižajecca da 1 miehabita za siekundu, ale apieratary prapanujuć mahčymaść adnavić vysokuju chutkaść za dadatkovuju płatu.
Pavodle słoŭ ministra, hetyja miery dazvolili pavialičyć prapusknuju zdolnaść sietak. Za minuły hod jana vyrasła na 28 pracentaŭ, a z pačatku 2026 hoda — jašče na 17 pracentaŭ. Upieršyniu tempy raźvićcia infrastruktury, maŭlaŭ, apiaredžvajuć rost spažyvańnia internet-trafiku.
Da kanca hoda ŭ Biełarusi płanujuć uvieści ŭ ekspłuatacyju jašče 2100 bazavych stancyj mabilnaj suviazi. Ź ich kala 900 užo pracujuć, a jašče 1200 znachodziacca na etapie budaŭnictva.
Taksama praciahvajecca pašyreńnie pakryćcia ŭ rehijonach. Va ŭschodniaj častcy krainy ŭ sielskaj miascovaści ŭžo ŭdvaja pavialičyli vykarystańnie dyjapazonu 800 miehahiercaŭ, a da kanca hoda takija ž raboty płanujuć zaviaršyć i na zachadzie Biełarusi.
Sietka piataha pakaleńnia (5G) užo dastupnaja ŭ Minsku i bolšaści abłasnych centraŭ. Adnak, pa źviestkach Ministerstva suviazi, pakul tolki kala 30 pracentaŭ mabilnych telefonaŭ, jakimi karystajucca biełarusy, padtrymlivajuć hetu technałohiju.
U Minsuviazi raspaviali, ci vierniecca bieźlimitny internet
U Biełarusi abmiažoŭvajuć chutkaść mabilnaha internetu. A jakija ceny i ŭmovy ŭ Polščy i Litvie?
«Hihabajty skončylisia, lažyć videa». Biełarusy dzielacca, ci chapaje im mabilnaha internetu paśla abmiežavańniaŭ
Jak mabilnyja apieratary źmianili bieźlimitnyja taryfy paśla abmiežavańnia chutkaści internetu
Biełaruskija apieratary prydumali, jak možna abychodzić abmiežavańni bieźlimitaŭ
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju8
Kamientary
5H on chvastajetsia. 4H snačała vdol trass sdiełaj rabočim, diejatiel, mla
prapanuju iści dalej
nie chapaje tavaraŭ - uvieści čerhi i talony
nie chapaje hrošaj - eksprapryjavać ułasnaść, pasadzić u turmu, abvieści kalučym drotam i davać bałandu
nie chapaje ježy - abmiežavać ježu... šlacham... nu vy zrazumieli.