Va Ukrainie situacyju ź biełaruskim aŭtobusam u Branskaj vobłaści nazvali «śviadomaj pravakacyjaj rasijan»
Rasijskaja prapahanda aktyŭna raspaŭsiudžvaje paviedamleńni pra nibyta ŭdar ukrainskaha bieśpiłotnika pa biełaruskim aŭtobusie na terytoryi Branskaj vobłaści Rasii. Pry hetym rasijski bok nie pradstaviŭ nijakich dokazaŭ u paćviardžeńnie svaich śćviardžeńniaŭ i navat nie apublikavaŭ fatahrafij ź miesca zdareńnia, adznačaje ŭ svajoj zajavie Centr supraćdziejańnia dezynfarmacyi Rady nacyjanalnaj biaśpieki i abarony Ukrainy.
Centr supraćdziejańnia dezynfarmacyi źviartaje ŭvahu, što hetyja paviedamleńni pačali šyroka raspaŭsiudžvacca prykładna praz dva tydni paśla anałahičnaj historyi pra nibyta ataku ŭkrainskaha bieśpiłotnika na biełaruski aŭtobus ź dziciačaj futbolnaj kamandaj u toj ža Branskaj vobłaści. Adznačajecca, što taja infarmacyja była abvierhnuta Hienieralnym štabam Uzbrojenych sił Ukrainy i Słužbaj biaśpieki Ukrainy.
«Pašyreńnie prapahandystami ŭkidaŭ pra nibyta ŭkrainskija ataki na cyvilnyja aŭtobusy ź Biełarusi — heta śviadomaja pravakacyja rasijan, jakija vielmi chočuć uciahnuć Biełaruś u vajnu suprać Ukrainy. Biełaruskaje hramadstva nie padtrymlivaje dapamohu Rasii ŭ ahresii suprać Ukrainy», — śćviardžaje CSD.
Taksama vykazvajecca mierkavańnie, što padobnyja incydenty mohuć być arhanizavanyja samimi rasijskimi śpiecsłužbami, pakolki mienavita Rasija zacikaŭlenaja ŭ vykarystańni biełaruskaj terytoryi ŭ vajennych metach.
Taksama admysłova padkreślivajecca, što Siły abarony Ukrainy niaŭchilna vykonvajuć normy mižnarodnaha humanitarnaha prava i nanosiać udary tolki pa zakonnych vajennych celach.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać15
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary
"sam siebia obstrielali" ;)
"provokacija"