Prapahandystka, jakaja zabaraniała knihi, arandavała kinateatr na dzień naradžeńnia dla pakazu svajho filma
Tamara Viackaja była siarod tych, chto zabaraniŭ knihu žurnalista Źmitra Łukašuka.
Tamara Viackaja — namieśnica hałoŭnaha redaktara dziaržaŭnaha «Radyjo-Minsk». Pra kreatyŭnaje śviatkavańnie dnia naradžeńnia prapahandystki raspaviała jaje dačka Ksienija, dyrektarka fiermierskaha rynku «Usio svajo».
Ksienija Viackaja padzialiłasia ŭ Threads fota i videa ź siamiejnaha śviata: «Jak adznačajuć dzień naradžeńnia ŭ majoj siamji: mama źniała kinateatr «Pieramoha», kab pakazać svajo kino».
Chutčej za ŭsio, havorka idzie pra arendu nie cełaha kinateatra, a hastrazały — taja raźličana na 12 miescaŭ. Darečy, dla arendy takoj zały dastatkova vykupić usie 12 kvitkoŭ — i dalej možna ŭžo damaŭlacca na ježu z kafe kinateatra.
Miarkujučy pa apublikavanych kadrach, film Tamara Viackaja pryśviaciła temie relihii. U filmie možna pabačyć śviatara Paŭła Sierdziuka (nastajaciela chrama śviatoha Mikałaja Japonskaha ŭ Minsku). Jaho žonka Vieranika Siardziuk, kiraŭnica centra «Matula», — dačka Viackaj.
Raniej Tamara Viackaja ŭvachodziła ŭ skład kamisii, jakaja šukała «ekstremizm» u knihach. U sakaviku 2021 hoda jana i jašče siem čałaviek, naprykład, aceńvali knihu «Biełaruskaja nacyjanalnaja ideja» žurnalista Źmitra Łukašuka (kopiju zaklučeńnia ekśpiertnaj kamisii atrymała «Jeŭraradyjo»).
Tamara Viackaja prahałasavała za toje, što ŭ tvory jość ekstremizm.
«Usie maje svajaki žyvuć na Ukrainie (tak i skazała. — Zaŭv. «Jeŭraradyjo»), i ja hetuju situacyju viedaju znutry, i jana vielmi nieadnaznačnaja. I ja nie razumieju, navošta takaja kniha patrebnaja. Ja nie znajšła adkazu ŭ hetaj knizie, navošta jana napisana. Jana razburalnaja, jana žorstkaja. Znoŭ ža, ja žančyna, i, moža, mužčynam heta ŭsio padabajecca, ale mnie heta nie padabajecca. Adkažu na heta tak: nam, pravasłaŭnym, možna ŭsio, ale nie ŭsio karysna. Hetaja kniha nie karysnaja», — kamientavała jana svajo rašeńnie.
Chto zabaraniaje ŭ Biełarusi knihi — voś hetyja 22 čałavieki
Što rabić z knihami, jakija trapili ŭ śpis zabaronienych u Biełarusi? Adkazali ŭ Mininfarmacyi
U Biełarusi zabaranili jašče 17 knih, u asnoŭnym zachodnich aŭtaraŭ
«Spačatku ja nie mahła ŭ heta pavieryć». Praprapraŭnučka Dunina-Marcinkieviča raskazała, jakija pačućci ŭ jaje vyklikaje pryznańnie tvorčaści prodka «ekstremisckaj»
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
Knižki ich zabaraniali,
A ŭ kali kino zdymajem,
Tolki pra dabro tam baim,
Voś takija my artysty -
Pravasłaŭna-stalinisty.