«Nie viedaju, što vy tam vypraŭlali, ale minus jak byŭ tak i zastaŭsia». Klijenty bankaŭ praciahvajuć skardzicca na niapravilnyja bałansy
Klijenty bankaŭ praciahvajuć skardzicca na niapravilnyja bałansy na svaich kartkach. Adpaviednyja kamientary biełarusy raźmiaščajuć u telehram-kanale Bankaŭskaha pracesinhavaha centra pad paviedamleńniem ab likvidacyi ŭčorašniaha techničnaha zboju, piša Reform.news.
«Nie viedaju, što vy tam vypraŭlali, ale minus jak byŭ, tak i zastaŭsia», «Nie ŭsim viarnuli, u mianie pa-raniejšamu minus», «Bałans nie adnoŭleny! Kali łaska, viarnicie hrošy», «Na 8.48 ranicy minus vyras jašče bolš čym raniej. Likvidavali tak likvidavali», — voś tolki niekatoryja kamientary.
Ranišnija skarhi ŭ asnoŭnym tyčacca Biełahraprambanka i Biełarusbanka. Niekatoryja klijenty adznačajuć, što bałansy nie supadajuć u mabilnym i internet-bankinhu.
Razam z tym u kamientarach jość i zapisy, jakija paćviardžajuć, što bałansy na kartkach viarnulisia ŭ normu.
Razam z tym Biełaruski pracesinhavy centr zapeŭnivaje, što na jaho baku ŭsie prablemy vyrašany, tamu varta ŭdakładniać situacyju niepasredna ŭ bankach.
«Usie bałansy pa bankaŭskich płaciežnych kartkach AAT «AAB Biełarusbank», AAT «Biełahraprambank» i AAT «Bielinviestbank» pryviedzieny ŭ aktualny stan. Apieracyi z vykarystańniem bankaŭskich płaciežnych kartak ažyćciaŭlajucca ŭ štatnym režymie. U vypadku, kali ŭ vas uźnikli sumnievy ŭ aktualnaści astatku pa vašaj bankaŭskaj płaciežnaj kartcy, prosim źviartacca za tłumačeńniami ŭ bank, jaki vydaŭ kartku», — zajavili ŭ BPC.
U centry taksama rastłumačyli, što prablemy z adlustravańniem bałansu mohuć być i nie źviazanyja sa zbojem.
«Źviartajem Vašu ŭvahu na toje, što nieadpaviednaść astatku, u tym liku i admoŭny astatak, moža ŭźniknuć pa pryčynach, nie źviazanych z uźnikłym zbojem, naprykład, pa vynikach apracoŭki valuta-abmiennych apieracyj, najaŭnaści zvarotaŭ, patrabavańniaŭ u ASI IDA i inšych pryčynach. Bankaŭski pracesinhavy centr dziakuje Vam za razumieńnie», — havorycca ŭ paviedamleńni.
Nahadajem, u sieradu klijenty troch najbujniejšych dziaržbankaŭ sutyknulisia z admoŭnymi bałansami na svaich bankaŭskich kartkach. Nieŭzabavie Biełaruski pracesinhavy centr pryznaŭ techničny zboj. U centry paabiacali likvidavać jaho da 14:00, zatym hety termin pieranieśli na 17:00. Adnak prablema nie była vyrašana. BPC zajaviŭ, što ŭsio budzie vypraŭlena da 22:00, ale i heta abiacańnie nie było realizavana. Tym časam biełarusy vypluchvali svajo abureńnia ŭ kamientarach u telehram-kanale centra.
Situacyja palepšyłasia paśla 00:00. Kala 1:00 u čaćvier stała viadoma, što vyrašana prablema ź Biełarusbankam. Jašče praz hadzinu BPC daŭ spravazdaču ab adnaŭleńni bałansaŭ i Bielinviestbanka. Nieŭzabavie paśla 4 ranicy BPC, narešcie, paviedamiŭ ab poŭnaj likvidacyi zboju.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju4
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski55
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski5
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Pamohuť razabracca krasaucy, pryduť da tych, u kaho zastausia minus na kartačkie i nadajuť pa hałavie, kab nie miešali durniam u kabinietach, naviadut paradak.
Tak było 31 hod, tak josť, tak budziet jeŝo 31 hod.....Paradak dołžan byť vsiudu.