Vialikabrytanija i Ukraina padpišuć histaryčnuju damovu ab pastaŭcy tysiač rakiet dla SPA
Vialikabrytanija i Ukraina padpišuć histaryčnuju damovu ab pastaŭkach tysiač rakiet dla sistem supraćpavietranaj abarony (SPA) ad kampanii Thales. Padpisańnie adbudziecca padčas kanfierencyi pa adnaŭleńni Ukrainy, jakaja prachodzić u Rymie, paviedamlaje «Jeŭrapiejskaja praŭda».
Pavodle zajavy brytanskaha ŭrada, damova daść šturšok dla rostu ekanomiki Vialikabrytanii, stvoryć novyja pracoŭnyja miescy i dapamoža Ukrainie praciahvać zmahańnie suprać rasijskaj ahresii.
U miežach damovy płanujecca pastaŭka bolš čym 5000 rakiet, što istotna ŭzmocnić SPA Ukrainy.
Akramia hetaha, Vialikabrytanija paćvierdziła, što na praciahu nastupnaha hoda vydzielić Ukrainie dvuchbakovuju dapamohu ŭ pamiery da 283 miljonaŭ funtaŭ sterlinhaŭ. Taksama płanujecca vydatkavać da 10,5 miljonaŭ funtaŭ na prahramu reformaŭ dziaržaŭnaha kiravańnia i da 1 miljona — na padtrymku «zialonaha pierachodu» va Ukrainie.
Brytanskaja vice-premjerka Andžeła Rejnier adznačyła, što hetaja inicyjatyva śviedčyć pra niaźmiennuju padtrymku Ukrainy, u tym liku ŭ abaronie ad rakietnych i dronavych atak, a taksama ŭ spravie adnaŭleńnia krainy.
Svaju padtrymku Ukrainie paćvierdzili i inšyja ŭdzielniki kanfierencyi: premjerka Italii Džordža Miełoni zajaviła pra pašyreńnie dapamohi ŭ śfierach enierhietyki, transpartu i abarony, a kiraŭnica Jeŭrakamisii Ursuła fon der Lajen paabiacała novyja tranšy finansavaj dapamohi.
ZŠA adnavili pastaŭki rakiet i snaradaŭ dla Ukrainy
Tramp paćvierdziŭ, što razhladaje mahčymaść pieradać Ukrainie sistemu Patriot
Mierc: Mahčymaściaŭ dla dypłamatyčnaha ŭrehulavańnia va Ukrainie bolš niama
ZŠA pavialičać zakup rakiet dla «Petryjat» u 4 razy
Načalnik suviazi 8-j armii zahinuŭ u vyniku ŭdaru ŭkrainskimi rakietami
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary