U Hruzii zatrymali biełarusa, jaki pryjšoŭ padać zajavu na prytułak
Hramadzianina Biełarusi zatrymali 14 lipienia na vychadzie z Departamienta mihracyi MUS Hruzii, paviedamiŭ vydańniu «Pozirk» pravaabaronca Raman Kiślak, jaki žyvie ŭ hetaj krainie.
«Ceły dzień stajali na śpiakocie, kab padać zajavu (u Tbilisi ciapier da 37 hradusaŭ vyšej za nul. — «Pozirk».). Cień — vuzkaja pałasa ŭzdoŭž płota, miesca pa pachu nibyta hramadski tualet. U 16.35 (15.35 pavodle minskaha času. — «Pozirk».) usio ž taki čarha padyšła, i jon zajšoŭ. Zahadzia padrychtavanuju zajavu pryniali. Praź niekatory čas zajavu viarnuli nazad i skazali, što siońnia nie paśpiejuć jaho pryniać, chaj prychodzić zaŭtra. Na vychadzie jaho zatrymali», — skazaŭ Kiślak.
Pavodle jaho słoŭ, małady čałaviek nie abnuliŭ karotkačasovym vyjezdam termin znachodžańnia ŭ Hruzii — nie bolš za 365 dzion zapar, u jaho byŭ praterminavany pašpart, jaki praz ukaz Alaksandra Łukašenki ad 4 vieraśnia 2023 hoda nielha zamianić pa-za miežami Biełarusi.
«Ale formu zvarotu z hramadzianinam rasceńvaju jak admovu ŭ pryniaćci zajavy na prytułak i advolnaje zatrymańnie», — padkreśliŭ pravaabaronca.
Viadoma, što hruzinskija ŭłady adchilajuć usie zajavy biełarusaŭ ab nadańni prytułku. Sam Kiślak 11 lipienia atrymaŭ kančatkovuju admovu ŭ prytułku, prajšoŭšy za niekalki hadoŭ usie miascovyja instancyi. Ciaham 30 dzion jon abaviazany pakinuć Hruziju.
Kiślak maje namier abskardzić rašeńnie miascovych uładaŭ u strukturach AAN.
U Hruzii ciapier pražyvaje kala 12 tys. biełarusaŭ, jakija emihravali z-za pahrozy represij. Ich kolkaść pastupova pamianšajecca.
Hruzija kančatkova admoviła pravaabaroncu Kiślaku ŭ prytułku
«Heta nie samy pryvabny varyjant». Što dumajuć biełarusy pra ŭviadzieńnie Hruzijaj trochhadovaha DNŽ dla ajcišnikaŭ
Hruzija nie puściła nazad jašče adnaho aktyvista tamtejšaj biełaruskaj dyjaspary
Praz palityku ŭładaŭ biełarusy pakidajuć Hruziju, pradajuć kvatery
U Hruzii chočuć aficyjna ŭskładnić atrymańnie prytułku inšaziemcami
Kamientary