Ministerstva ŭnutranych spraŭ Hruzii ŭniesła na razhlad parłamienta pakiet papravak «dla ŭzmacnieńnia baraćby ź niezakonnaj mihracyjaj i ŭdaskanaleńnia pravił nadańnia mižnarodnaj abarony». Prapanova maje spraścić praces vydvareńnia inšaziemcaŭ i ŭskładniaje atrymańnie prytułku, paviedamlaje «Radyjo Svaboda».
U pryvatnaści, MUS Hruzii prapanuje:
-
uklučyć u zakanadaŭstva normy ab vydvareńni zamiežnaha hramadzianina z Hruzii i zabaronie na ŭjezd u krainu na peŭny termin;
-
pavialičyć štrafy dla inšaziemcaŭ, jakija parušajuć praviły znachodžańnia na terytoryi krainy;
-
istotna spraścić praceduru vydvareńnia inšaziemcaŭ, jakija niezakonna znachodziacca ŭ Hruzii.
Akramia taho, dla «papiaredžańnia złoŭžyvańnia praceduraj nadańnia prytułku» ŭvodzicca paskoranaja pracedura razhladu chadajnictvaŭ ab prytułku dla zamiežnikaŭ, jakija nie padali zajavu ciaham miesiaca z momantu ŭjezdu ŭ krainu.
Taksama ŭvodzicca novy miechanizm, zhodna ź jakim pytańnie nadańnia prytułku buduć razhladać na miažy Hruzii biez dopusku inšaziemca na jaje terytoryju, kali jahony ŭjezd ujaŭlaje pahrozu dziaržaŭnaj biaśpiecy.
Papraŭki taksama praduhledžvajuć skaračeńnie terminaŭ razhladu i apielacyi chadajnictvaŭ ab nadańni prytułku, a taksama abmiežavańnie vydačy dazvołu na žycharstva inšaziemcu, pytańnie ab vydvareńni jakoha razhladajecca abo ŭžo pryniata rašeńnie ab jaho vydvareńni z Hruzii, havorycca ŭ zajavie MUS.
Źmieny ŭnosiacca taksama ŭ Kryminalny kodeks i Kodeks ab administracyjnych pravaparušeńniach. U MUS Hruzii śćviardžajuć, što nazvany pakiet zakonaprajektaŭ padrychtavany ŭ adpaviednaści z dyrektyvami Jeŭrasajuza.
MUS Hruzii, jakoje adkazvaje za pamiežny kantrol, nie publikuje statystyku pra toje, kolkim ludziam i ź jakich krain było admoŭlena va ŭjeździe ŭ Hruziju. Pavodle aficyjnych źviestak, tolki ŭ sakaviku 2025 hoda z krainy vydvaryli 97 zamiežnych hramadzian, siarod jakich byli i hramadzianie Biełarusi.
Zhodna z hruzinskim zakanadaŭstvam, hramadzianie Biełarusi mohuć znachodzicca na terytoryi Hruzii na praciahu hoda.
U pačatku 2025 hoda ŭ Hruzii pražyvała prykładna 12 tysiač hramadzian Biełarusi.
U 2019—2024 hadach Hruzija nie zadavoliła nivodnaha chadajnictva hramadzian Biełarusi ab nadańni prytułku.
Praŭda, 26 sakavika 2025 hoda sud u Tbilisi admianiŭ rašeńnie mihracyjnaha departamienta Hruzii ab admovie ŭ prytułku biełaruskim pravaabaroncu Ramanu Kiślaku. Ciapier prašeńnie ab nadańni prytułku pavinny pierahledzieć.
Sud u Tbilisi admianiŭ rašeńnie Departamientu mihracyi Hruzii ab admovie ŭ prytułku pravaabaroncu Ramanu Kiślaku
«Byccam na inšaj płaniecie». Jak biełarusy źjazdžajuć u emihracyju ŭ niepapularnyja krainy
«U Hruzii niama zacemientavanaj aŭtarytarnaj dziaržavy z žorstkaj viertykallu». Biełarus raskazaŭ, u čym śpiecyfika hruzinskich pratestaŭ
Za piać hadoŭ abarony ŭ Hruzii paprasiła bolš za 70 biełarusaŭ, trom dziasiatkam užo admovili
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča2
Kamientary
No v itohie nie pojechali, potomu čto nasłyšany, kak nieprosto tam žiť inostrancam iz-za politiki vłastiej, a von oni, połučajetsia, jeŝio i dopołnitielno usłožnili.