Najbolšy konkurs na biudžet u hrafičnaha i multymiedyjnaha dyzajnu, pravaznaŭstva i piedyjatryi

Pryjom dakumientaŭ u VNU ad abituryjentaŭ, jakija pastupajuć na biudžetnyja miescy, zavieršany 17 lipienia.

«Pry płanie pryjomu na biudžet 31,8 tys. dakumienty padali 46,1 tys. abituryjentaŭ. Raniej zaličana 5,7 tys. metavikoŭ i 0,5 tys. pieramožcaŭ univiersiteckich alimpijad. Pa vynikach padačy dakumientaŭ kala 4,4 tys. abituryjentaŭ pretendujuć na zaličeńnie biez ustupnych ispytaŭ — heta pieramožcy mižnarodnych i respublikanskich alimpijad, uładalniki załatych (srebnych) miedaloŭ škoł, a taksama dypłomaŭ kaledžaŭ z adznakaj, vypuskniki Nacyjanalnaha dziciačaha technaparka, profilnych kłasaŭ i inšyja, a taksama kala 700 čałaviek — pa-za konkursam», — raspavioŭ Andrej Ivaniec.

Pavodle jaho słoŭ, vysokija konkursy (bolš za 5 čałaviek na miesca) adznačany pa śpiecyjalnaściach «hrafičny dyzajn i multymiedyjny dyzajn», «infarmacyjnyja sistemy i technałohii», «pravaznaŭstva», «piedyjatryja» i inšych. «Pa šerahu śpiecyjalnaściej abituryjenty padali dakumienty z sumaj bałaŭ bolš za 390.

Siarod takich śpiecyjalnaściej — «stamatałohija», «suśvietnaja ekanomika», «mižnarodnaja ekanomika i handal», «prykładnaja infarmatyka», «pierakładčyckaja sprava», «prahramnaja inžynieryja».

Pavyšajucca pakazčyki pryjomu na piedahahičnyja śpiecyjalnaści. Tak, u BDPU imia M. Tanka pry płanie pryjomu na dzionnuju formu navučańnia ŭ 1040 biudžetnych miescaŭ padali dakumienty kala 1,6 tys. abituryjentaŭ, ź ich 500 metavikoŭ i kala 1,1 tys. abituryjentaŭ na ahulnych padstavach. Siarod ich kala 250 vypusknikoŭ piedahahičnych kłasaŭ, 55 miedalistaŭ, kala 80 uładalnikaŭ dypłomaŭ kaledžaŭ z adznakaj. Bolš za 300 abituryjentaŭ majuć sumu bałaŭ dla pastupleńnia bolš za 300. Sioleta 391 student zaličany pa metavym dahavory — heta kala 40 % ad ahulnaj kolkaści biudžetnych miescaŭ, što na tracinu bolš, čym letaś», — prainfarmavaŭ kiraŭnik adukacyjnaha viedamstva.

Zapatrabavanaja padrychtoŭka śpiecyjalistaŭ z vyšejšaj adukacyjaj u rehijanalnych VNU, kudy pry płanie pryjomu na biudžet u 14,7 tys. miescaŭ dakumienty padali 20,1 tys. abituryjentaŭ. Najbolšyja konkursy na miesca — u Hrodzienskim dziaržaŭnym univiersitecie imia Ja. Kupały, Viciebskim dziaržaŭnym univiersitecie imia Mašerava, Biełaruska-Rasijskim univiersitecie, Homielskim dziaržaŭnym univiersitecie imia Skaryny, Bresckim dziaržaŭnym techničnym univiersitecie.

Na sielskahaspadarčyja śpiecyjalnaści i ŭ VNU siłavoha profilu pryjom dakumientaŭ na biudžet zavieršycca 19 lipienia.

Z 18 pa 25 lipienia ŭ VNU buduć pravodzicca ŭnutranyja ŭstupnyja ispyty dla pastupleńnia na tvorčyja śpiecyjalnaści, śpiecyjalnaści ŭ halinie fizičnaj kultury i sportu, a taksama śpiecyjalnaści sa skaročanym terminam navučańnia dla vypusknikoŭ kaledžaŭ.

Zaličeńnie pieršakurśnikaŭ hetaha hoda na biudžetnyja miescy adbudziecca da 27 lipienia. Infarmacyja pra zaličeńnie budzie raźmieščana na infarmacyjnych resursach VNU i ŭ asabistych kabinietach abituryjentaŭ.

Praciahvajecca pryjom na płatnaje navučańnie — da 1 žniŭnia, u sielskahaspadarčych VNU — da 2 žniŭnia. Płan pryjomu abituryjentaŭ-płatnikaŭ składaje 16,4 tys. miescaŭ.

• 0
• 0
• 0
• 1
• 0
• 0
• 0
• 0