U Polščy ŭ dziasiatkach haradoŭ prajšli demanstracyi suprać mihracyi
U subotu 19 lipienia ŭ bolš čym 80 polskich haradach prajšli antyimihracyjnyja maršy pad łozunham «Spynić imihracyju». Paralelna prachodzili mienšyja akcyi suprać hetych maršaŭ. Usiaho pa Polščy było zarehistravana 100 publičnych akcyj, piša Euronews.
Akcyi pratestu, arhanizavanyja ultrapravaj polskaj partyjaj «Kanfiederacyja svabody i niezaležnaści», prajšli ŭ subotu Varšavie, Krakavie, Poznani, Urocłavie, Biełastoku i inšych haradach. Demanstranty patrabavali zakryć miežy ź Litvoj, Ukrainaj, Biełaruśsiu i Słavakijaj dla nielehalnaj imihracyi.
«Chopić šmathadovaj palityki puskać usich zapar, a chto jany takija, vyznačym paźniej», — napisaŭ u sacsietcy Ch Kšyštaf Bosak, adzin ź lidaraŭ «Kanfiederacyi».
«Polskija žančyny i mužčyny majuć prava być zaniepakojenymi ŭzroŭniem biaśpieki ŭ siabie na radzimie», — dadaŭ jon.
Startujemy w Białymstoku! Wraz ze @ZbKasperczuk, liderem podlaskiego Ruchu Narodowego, punkt 12:00 zainaugurowaliśmy protest "Stop Imigracji".
Dość trwającej od lat polityki "wpuszczania wszystkich, a kim są, ustali się później."
Polki i Polacy mają prawo do troski o poziom… pic.twitter.com/djEpQPwPJ0
Vystupajučy ŭ pačatku maršu, Bosak zapatrabavaŭ adstaŭki ŭrada Donalda Tuska, zakryćcia miežaŭ ź Litvoj, Ukrainaj, Biełaruśsiu i Słavakijaj dla nielehalnaj imihracyi i dazvołu sałdatam stralać u ludziej, jakija niezakonna pierasiakajuć miažu.
«Biez zakryćcia Polščy dla nielehalnaj imihracyi, biez pačatku apieracyi pa departacyi, biez admovy ad palitkarektnaści, bieź pieraasnaščeńnia pamiežnaj słužby i sił, adkaznych za kantrol zakonnaści pražyvańnia, biez kantrolu nad rynkam pracy biaśpieka budzie pastupova paharšacca, — skazaŭ jon. — Hetaja palityka pavinna źmianicca».
Napružanaść raście z-za mihracyjnaj palityki
Jak i ŭ bolšaści krain ES, mihracyja źjaŭlajecca adnoj z samych supiarečlivych palityčnych tem u Polščy. Marš «Kanfederacyj» adbyŭsia nieŭzabavie paśla ŭviadzieńnia Polščaj pamiežnaha kantrolu z Hiermanijaj i Litvoj, jaki ŭstupiŭ u siłu 7 lipienia.
Na polska-hiermanskaj miažy kantrol ustalavany ŭ 52 miescach, a na polska-litoŭskaj — u 13.
U pieršym tury prezidenckich vybaraŭ, jaki adbyŭsia ŭ traŭni, kandydaty ad ultrapravych, u tym liku Słavamir Mencen ad «Kanfiederacyi» i Hžehaž Braŭn ad «Kanfiederacyi Polskaj Karony», zaniali, adpaviedna, treciaje i čaćviortaje miescy. Mnohija ličyli, što pośpiech abodvuch kandydataŭ byŭ abumoŭleny ich žorstkaj pazicyjaj u dačynieńni da mihracyi.
U piatnicu Polšča razam ź piaćciu inšymi krainami ES uzhadniła šerah metaŭ pa ŭzmacnieńni žorstkaści praviłaŭ pradastaŭleńnia prytułku. Padčas sustrečy kancler Hiermanii Frydrych Mierc pryznaŭsia, što jon «rady tamu, što Polšča ažyćciaŭlaje pamiežny kantrol».
Letaś u Polščy pavialičyłasia kolkaść zajaŭ na pradastaŭleńnie prytułku z-za kryzisu na ŭschodniaj miažy ź Biełaruśsiu, jaki praciahvajecca z 2021 hoda.
U vyniku polski parłamient pryniaŭ zakon, jaki časova prypyniaje prava na atrymańnie prytułku dla tych, chto pierasiok biełaruskuju miažu.
Jak polskija, tak i jeŭrapiejskija lidary daŭno abvinavačvajuć Alaksandra Łukašenku ŭ tym, što jon arhanizavaŭ prytok mihrantaŭ, kab destabilizavać situacyju ŭ ES.
Kontrdemanstracyi ŭ mnohich haradach
U subotu ŭ Varšavie, Katavicach, Olštynie i inšych haradach prajšli kontrmanifiestacyi suprać maršaŭ «Kanfiederacyj».
Demanstranty nieśli transparanty z łozunhami: «Pryniać biežancaŭ — vydalić fašystaŭ», «Dziejničaj, demakratyja», «My abaraniajem prava na prytułak».
«Kožny čałaviek, niezaležna ad koleru skury i pachodžańnia, pavinien adčuvać siabie kamfortna nie tolki ŭ Polščy, ale i ŭ Jeŭropie», — zajaviła padčas demanstracyi Maryja Ksionžak z fondu «Mižnarodnaja humanitarnaja inicyjatyva».
U subotu ranicaj Ministerstva ŭnutranych spraŭ i administracyi apublikavała na płatformie X statystyku ab kolkaści vydadzienych dazvołaŭ na śpiecyjalnuju abaronu dla zamiežnikaŭ.
❗W 2024 r. wydaliśmy 40% mniej zgód na specjalną ochronę dla cudzoziemców niż w 2021 r.
✅ To efekt lepiej zarządzanego systemu, naszych działań na granicy i skuteczniejszych procedur.
️ Rząd prowadzi odpowiedzialną i przemyślaną politykę migracyjną, dbając o stabilność i… pic.twitter.com/uuGP0ZQJdQ
«U 2024 hodzie my vydali na 40 adsotkaŭ mienš dazvołaŭ na śpiecyjalnuju abaronu zamiežnikaŭ, čym u 2021 hodzie. Heta vynik bolš efiektyŭnaha kiravańnia sistemaj, našych apieracyj na miažy i bolš efiektyŭnych pracedur», — havorycca ŭ paviedamleńni MUS.
«Urad pravodzić adkaznuju i pradumanuju mihracyjnuju palityku, kłapociačysia pra stabilnaść i biaśpieku hramadzian», — dadali ŭ viedamstvie.
Kamientary