U Varšavie pakažuć niamoje kino pad adkrytym niebam, u tym liku biełaruski film «Prastytutka»
Viečary niamoha kino «Niamaja lichamanka» z žyvoj muzykaj kampazitaraŭ ź Biełarusi Polščy projduć u žniŭni i vieraśni ŭ Varšavie.
U dvoryku kamianicy pry Muziei volnaj Biełarusi (Foksal 11) pakažuć čatyry niamyja filmy — z Ukrainy, Polščy, Hiermanii i Biełarusi.
A taksama budzie hučać muzyka, jakuju napisali biełaruskija i polskija kampazitary śpiecyjalna dla hetych filmaŭ. Syhrajuć muzyki Darjuš Pšybylski (arhan Hemanda), Alaksandra Chmialeŭska (fartepijana, elektronika), Filip Sporniak (vijałančel), Volha Padhajskaja (fartepijana), Five-Storey Ensemble.
Što pakažuć?
14 žniŭnia, 20:00 — «Pryhody paŭrubiela» (Ukraina, 1924).
21 žniŭnia 20:00 — «Bieły śled» (Polšča, 1932).
28 žniŭnia, 20:00 — «Faŭst» (Hiermanija, 1926).
4 vieraśnia, 20:00 — «Prastytutka» (Biełaruś, 1926).
Biełaruski film «Prastutytka» źniaŭ režysior Aleh Frelich. Siužet nastupny. U Maskvie 20-ch hadoŭ minułaha stahodździa adny žyvuć u bahaćci, inšyja zmahajucca za vyžyvańnie. Luba žyvie ŭ ciotki Varvary, jakaja ŭ rešcie rešt «pradaje» jaje susiedu, vyhaniajučy z chaty. Biazdomnuju dziaŭčynu prymaje vypadkovaja znajomaja, jakaja, jak vyśviatlajecca, źjaŭlajecca haspadyniaj bardela i prymušaje Lubu padpisać rabski veksal. U inšaj siamji paśla vypadkovaj śmierci muža Nadzieja zastajecca biez hrošaj i, kab utrymlivać dziaciej, vymušana pajści da miaśnika, a zatym stać prastytutkaj.
Kvitki na sieansy ŭžo ŭ prodažy.
-
10 jeŭrapiejskich filmaŭ, jakija pakažuć na kinafiestyvali «Paŭnočnaje źziańnie». Niekatoryja buduć iści biaspłatna anłajn
-
«Niepasłuchmianyja» (Wayward) — strašny sieryjał pra škołu, ad jakoha nie adarvacca
-
Hazłajtynh, žančyna ŭ biadzie i himn śmiełaj žurnalistycy. Čamu varta pahladzieć novy chit Netflix «Žančyna z kajuty №10»
Ciapier čytajuć
Siłaviki masava zatrymlivajuć udzielnikaŭ konkursu homielskaha treš-błohiera18
Kamientary