У Варшаве пакажуць нямое кіно пад адкрытым небам, у тым ліку беларускі фільм «Прастытутка»
Вечары нямога кіно «Нямая ліхаманка» з жывой музыкай кампазітараў з Беларусі Польшчы пройдуць у жніўні і верасні ў Варшаве.
У дворыку камяніцы пры Музеі вольнай Беларусі (Foksal 11) пакажуць чатыры нямыя фільмы — з Украіны, Польшчы, Германіі і Беларусі.
А таксама будзе гучаць музыка, якую напісалі беларускія і польскія кампазітары спецыяльна для гэтых фільмаў. Сыграюць музыкі Дар’юш Пшыбыльскі (арган Гэманда), Аляксандра Хмялеўска (фартэпіяна, электроніка), Філіп Спорняк (віяланчэль), Вольга Падгайская (фартэпіяна), Five-Storey Ensemble.
Што пакажуць?
14 жніўня, 20:00 — «Прыгоды паўрубеля» (Украіна, 1924).
21 жніўня 20:00 — «Белы след» (Польшча, 1932).
28 жніўня, 20:00 — «Фаўст» (Германія, 1926).
4 верасня, 20:00 — «Прастытутка» (Беларусь, 1926).
Беларускі фільм «Прастутытка» зняў рэжысёр Алег Фрэліх. Сюжэт наступны. У Маскве 20-х гадоў мінулага стагоддзя адны жывуць у багацці, іншыя змагаюцца за выжыванне. Люба жыве ў цёткі Варвары, якая ў рэшце рэшт «прадае» яе суседу, выганяючы з хаты. Бяздомную дзяўчыну прымае выпадковая знаёмая, якая, як высвятляецца, з'яўляецца гаспадыняй бардэля і прымушае Любу падпісаць рабскі вэксаль. У іншай сям'і пасля выпадковай смерці мужа Надзея застаецца без грошай і, каб утрымліваць дзяцей, вымушана пайсці да мясніка, а затым стаць прастытуткай.
Квіткі на сеансы ўжо ў продажы.
Цяпер чытаюць
«Як толькі чуюць пра Расію — дык усё… У чым праблема?» У Мінску не хочуць здаваць кватэру чалавеку з расійскім пашпартам3
Каментары