U Maskvie pryniali da viedama zajavu prezidenta ZŠA Donalda Trampa, jaki paviedamiŭ pra skaračeńnie terminu, dadzienaha im Rasii dla dasiahnieńnia miru va Ukrainie. Pra heta ŭ aŭtorak zajaviŭ pres‑sakratar Kramla Dźmitryj Piaskoŭ, piša Rasijskaja słužba Radyjo Svaboda.
«Praciahvajecca śpiecyjalnaja vajennaja apieracyja», — dadaŭ Piaskoŭ, užyŭšy termin, jaki vykarystoŭvajuć rasijskija ŭłady dla abaznačeńnia vajny va Ukrainie. Pres‑sakratar Uładzimira Pucina adznačyŭ, što Rasija «zachoŭvaje prychilnaść da miru» i pry hetym imkniecca zabiaśpiečyć svaje intaresy ŭ chvale mirnaha ŭrehulavańnia.
Piaskoŭ taksama prakamientavaŭ słovy Trampa pra toje, što jon bolš nie zacikaŭleny ŭ razmovach z Uładzimiram Pucinym «rady razmoŭ», nazvaŭšy heta imknieńniem «uciačy ad lubych acenak». Jon udakładniŭ, što pytańnie pra mahčymuju sustreču Pucina i Trampa pakul nie aktualnaje. Taksama, pavodle słoŭ Piaskova, Rasija zacikaŭlena ŭ naładžvańni adnosin z ZŠA, adnak za apošni čas hety praces zapavoliŭsia.
Sam Uładzimir Pucin z 14 lipienia, kali Tramp daŭ Rasii 50 dzion na dasiahnieńnie miru z Ukrainaj, tak i nie prakamientavaŭ prapanovu amierykanskaha prezidenta. Pres‑sakratar Kramla ŭ adkaz na pytańni žurnalistaŭ taksama nazvaŭ Paŭnočnuju Kareju, Iran i Kitaj «sajuźnikami» Rasii, zajaviŭšy, što z hetymi krainami Maskva «ŭ mnohim padzialaje bačańnie asnoŭ miraparadku».
Napiaredadni kiraŭnik MZS Rasii Siarhiej Łaŭroŭ zajaviŭ, što «ŭpieršyniu ŭ historyi» Rasija viadzie baraćbu z Zachadam, nie majučy sajuźnikaŭ. Z Paŭnočnaj Karejaj u Rasii jość damova ab vajennym partniorstvie, i paŭnočnakarejskija sałdaty ŭdzielničali ŭ vajnie suprać Ukrainy.
Iran i Kitaj pastaŭlajuć u Rasiju tavary, u tym liku vajennaha pryznačeńnia, adnak hetyja krainy padkreślivajuć, što nie ŭdzielničajuć u kanflikcie.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny44
Kamientary
Na panty dypłamatyčna pantami adkazali ))) Pabačym čyja panty daražej ..
Niešta mnie padkazvaje Trampa hetamu u Maskvie ci ŭ Ńju Jerku u maleńkaj adeśsie navučali ..tamu ..
Kamientavał za dva dni da Trampa " słovy Rubio ..Na ich niichto niźviarnuł uvahu Čym tam jaho boss ni zadavolen.