У Маскве прынялі да ведама заяву прэзідэнта ЗША Дональда Трампа, які паведаміў пра скарачэнне тэрміну, дадзенага ім Расіі для дасягнення міру ва Украіне. Пра гэта ў аўторак заявіў прэс‑сакратар Крамля Дзмітрый Пяскоў, піша Расійская служба Радыё Свабода.
«Працягваецца спецыяльная ваенная аперацыя», — дадаў Пяскоў, ужыўшы тэрмін, які выкарыстоўваюць расійскія ўлады для абазначэння вайны ва Украіне. Прэс‑сакратар Уладзіміра Пуціна адзначыў, што Расія «захоўвае прыхільнасць да міру» і пры гэтым імкнецца забяспечыць свае інтарэсы ў хвале мірнага ўрэгулявання.
Пяскоў таксама пракаментаваў словы Трампа пра тое, што ён больш не зацікаўлены ў размовах з Уладзімірам Пуціным «рады размоў», назваўшы гэта імкненнем «уцячы ад любых ацэнак». Ён удакладніў, што пытанне пра магчымую сустрэчу Пуціна і Трампа пакуль не актуальнае. Таксама, паводле слоў Пяскова, Расія зацікаўлена ў наладжванні адносін з ЗША, аднак за апошні час гэты працэс запаволіўся.
Сам Уладзімір Пуцін з 14 ліпеня, калі Трамп даў Расіі 50 дзён на дасягненне міру з Украінай, так і не пракаментаваў прапанову амерыканскага прэзідэнта. Прэс‑сакратар Крамля ў адказ на пытанні журналістаў таксама назваў Паўночную Карэю, Іран і Кітай «саюзнікамі» Расіі, заявіўшы, што з гэтымі краінамі Масква «ў многім падзяляе бачанне асноў мірапарадку».
Напярэдадні кіраўнік МЗС Расіі Сяргей Лаўроў заявіў, што «ўпершыню ў гісторыі» Расія вядзе барацьбу з Захадам, не маючы саюзнікаў. З Паўночнай Карэяй у Расіі ёсць дамова аб ваенным партнёрстве, і паўночнакарэйскія салдаты ўдзельнічалі ў вайне супраць Украіны.
Іран і Кітай пастаўляюць у Расію тавары, у тым ліку ваеннага прызначэння, аднак гэтыя краіны падкрэсліваюць, што не ўдзельнічаюць у канфлікце.
Цяпер чытаюць
Сёстры Груздзевы цяпер важаць пад 100 кілаграмаў кожная20
Сёстры Груздзевы цяпер важаць пад 100 кілаграмаў кожная
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары
На панты дыпламатычна пантамі адказалі ))) Пабачым чыя панты даражэй ..
Нешта мне падказвае Трампа гэтаму у Маскве ці ў Нью Ерку у маленькай адэссе навучалі ..таму ..
Каментавал за два дні да Трампа " словы Рубіо ..На іх нііхто нізвярнул увагу Чым там яго босс ні задаволен.