Беларуская чыгунка некалькі цягнікоў адменіць, а ў іншых памяняе маршруты
Беларуская чыгунка паведамляе, што 6 і 13 жніўня на ўчастку «Віцебск — Орша» зменіцца графік руху цягнікоў з-за рамонту чыгуначнага моста. У сувязі з гэтым некаторыя цягнікі будуць адмененыя, а іншыя паедуць па змененых маршрутах.
Фота ілюстрацыйнае
6 жніўня не будзе цягніка №640 «Орша — Полацк», а на 6 і 13 жніўня адмененыя:
- №705/706 «Полацк — Магілёў — Полацк»;
- №712/713 «Мінск — Віцебск — Мінск».
Змены ў маршрутах будуць у наступных цягнікоў:
- Цягнік №704/703 «Віцебск — Мінск — Віцебск» (6 і 13 жніўня) і цягнік №51 «Санкт-Пецярбург — Мінск — Брэст» (6 жніўня) пойдуць праз Полацк і Маладзечна;
- Цягнік №658/657 «Брэст — Полацк» выедзе з Брэста 5 і 12 жніўня і дойдзе толькі да Віцебска (адтуль — 6 і 13 жніўня);
- Цягнік №606/605 «Брэст — Віцебск/Полацк» 5 і 12 жніўня паедзе па маршруце «Брэст — Орша — Брэст» праз Магілёў, а назад — 6 і 13 жніўня;
- Цягнік №680/679 «Гродна — Віцебск — Гродна» 5 жніўня паедзе толькі да Оршы і назад — 6 жніўня.
Таксама зменіцца расклад цягнікоў эканомкласа на маршрутах «Віцебск — Замасточча — Віцебск» і «Орша — Багушэўская — Орша». Некаторыя рэйсы на гэтых кірунках будуць адмененыя.
БЧ просіць пасажыраў з разуменнем паставіцца да сітуацыі і загадзя ўдакладняць расклад на сайце, у мабільным дадатку «БЧ. Мой цягнік» або па нумары 105.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку23
Каментары