U Novaj Ziełandyi žančyna viezła dvuchhadovaje dzicia ŭ valizcy — palicyja raźbirajecca
Kiroŭca zaniepakoiŭsia, kali zaŭvažyŭ, što valizka ruchajecca. Kali jon adkryŭ valizku, unutry była dvuchhadovaja dziaŭčynka
U Novaj Ziełandyi aryštavali žančynu, u bahažy jakoj padčas pajezdki aŭtobusam znajšli dvuchhadovuju dziaŭčynku, paviedamlaje Bi-bi-si.
Palicyja paviedamiła, što pravaachoŭnikaŭ vyklikali na aŭtobusny prypynak u Kajvaci — miastečku na poŭnačy krainy — u niadzielu.
«Kiroŭca zaniepakoiŭsia, kali zaŭvažyŭ, što valizka ruchajecca. Kali jon adkryŭ valizku, unutry była dvuchhadovaja dziaŭčynka», — havorycca ŭ zajavie palicyi.
27-hadovuju žančynu aryštavali i vystavili abvinavačańnie ŭ žorstkim abychodžańni ź dziciom.
«Dzicia było razharačanym, ale ŭ cełym vyhladała fizična niepaškodžanym», — adznačyli ŭ palicyi. Jaje dastavili ŭ balnicu, dzie jana prachodzić miedycynskaje abśledavańnie.
Pra toje, jakaja suviaź była pamiž žančynaj i dziciom, nie paviedamlajecca.
Žančyna pavinna źjavicca pierad akruhovym sudom Nort-Šor.
«My chočam vykazać udziačnaść i kiroŭcu aŭtobusa, jaki zapadozryŭ niešta drennaje i nieadkładna adreahavaŭ, praduchiliŭšy patencyjna značna trahičniejšyja nastupstvy», — dadali ŭ palicyi.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva2
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2828
Kamientary