244 biełarusy nie mohuć zvolnicca z rasijskaj armii, niahledziačy na zakančeńnie ich kantraktaŭ ź Minabarony Rasii
Nie mohuć zvolnicca sa słužby nie tolki biełarusy.
244 hramadzianiny Biełarusi nie mohuć zvolnicca z rasijskaj armii, niahledziačy na toje, što ich kantrakty ź Ministerstvam abarony Rasijskaj Fiederacyi skončylisia, raskazali va ŭkrainskim prajekcie «Chaču žyć».
«My dakładna nie viedajem los kožnaha z tych, chto znachodzicca ŭ śpisach — vielmi časta pra ich miescaznachodžańnie ničoha nie viedaje i Minabarony RF. Što my viedajem dakładna — dyk heta toje, što čakaje ŭsich hetych ludziej u budučyni. Šmatlikija zamiežnyja najmity, što śviadoma zaklučyli kantrakt z Uzbrojenymi siłami RF, byli ŭpeŭnienyja, što padpisvajuć terminovyja kantrakty na adzin hod. Ale heta nie tak. Jak i ŭ vypadku z zvyčajnymi kantraktnikami abo mabilizavanymi va US RF, kamandziry mohuć padaŭžać ich kantrakty da zakančeńnia bajavych dziejańniaŭ. I jany paśpiachova heta robiać», — kažuć u «Chaču žyć».
Pavodle infarmacyi prajekta, u RF słužać bolš za 3000 najomnikaŭ z 86 krain, u tym 426 hramadzian Uźbiekistana, 380 hramadzian Šry-Łanki, 367 Tadžykistana, 262 Kuby, 241 hramadzianin Kazachstana, 164 hramadzianiny Niepała.
Ciapier čytajuć
Departavanyja pry pasiarednictvie amierykancaŭ palitviaźni zaviśli miž piekłam i ziamloju — biez DNŽ i mahčymaści pracavać3
Kamientary