U minskim «Jeŭraopcie» ŭ adździele vypiečki pakłali pakiety dla śmiećcia
Videa z kramy imhnienna raźlaciełasia pa sacsietkach i vyklikała burnuju reakcyju ŭ karystalnikaŭ, zaŭvažyła BGmedia.
U tyktoku apublikavali videa, jakoje nie pakinuła abyjakavymi kamientataraŭ. Na im pakazana, jak u adnoj ź minskich praduktovych kram u adździele vypiečki zamiest charčovaj plonki na pryłaŭki pakłali čornyja pakiety dla śmiećcia.
Voś, što mužčyna raskazaŭ pra heta ŭ svaim videa: «Pryvitańnie, pakiet dla śmiećcia. Tak užo było niečakana. Nu dobra, bułački na zaŭtra buduć učarašnija, heta ŭsio zrazumieła. Nu choć by zaciahnuli charčovaj plonkaj. Ale jany rezali tyja pakiety prama pierad ludźmi! Niaŭžo strejč-plonka heta tak doraha dla takoj vialikaj sietki? Napišycie, ci zrazumieli pa cetlikach, jakaja heta krama tak vyłučyłasia?».
Jak vynikaje z cetlikaŭ, havorka išła pra «Jeŭraopt», što paćvierdziŭ aŭtar videa ŭ kamientarach.
U kamientarach pad videa znajšlisia ludzi, jakija sprabavali apraŭdać dziejańni kramy. Niekatoryja naohuł zajavili, što heta nie pakiety dla śmiećcia, a «śpiecyjalnaja plonka», tolki čornaja.
«Pa-pieršaje, heta nie pakiety dla śmiećcia. A plonka, tolki čornaha koleru».
Byli ludzi, jakija nie pabačyli ŭ hetym ničoha niezvyčajnaha.
«Jaje ž nie z-pad śmiećcia dastali. Pakiet čysty!»
«U niekatorych kramach naohuł vypiečku ničym nie nakryvajuć».
«Charčovaj plonkaj nie zapaścisia dla ŭsich klijentaŭ. A hetaja — ščylnaja. Jaje možna vykarystoŭvać šmat razoŭ».
Znajšlisia i tyja, chto padtrymaŭ aŭtara videa. Na ich mierkavańnie, prablema nie tolki ŭ samich pakietach, ale i ŭ jakaści pradukcyi, tak i va ŭmovach jaje zachoŭvańnia.
«Tut jašče niama terminu daŭniny i składu praduktaŭ. I jany nie ŭpakavanyja».
«A ŭ našym «Jeŭraopcie» jašče i čebureki nočać».
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary