Maładuju dziaŭčynu z Baranavič, jakaja vučyłasia na piedahoha ŭ Hrodnie, aryštavali pa «spravie Hajuna»
Nastaśsia Nikałajeva vučyłasia taksama na cyrulnicu.
Nastaśsi Nikałajevaj z Baranavičaŭ 25 hadoŭ. U 2018‑m jana pastupiła ŭ Hrodzienski dziaržaŭny ŭniviersitet na piedahahičny fakultet, jaki musiła skončyć u 2022-m.
Paralelna z vučobaj Nastaśsia vučyłasia na cyrulnicu i majstrychu afraplacieńnia.
Dziaŭčynu asudzili ŭ 2025 hodzie pa dźviuch častkach artykuła «sadziejničańnie ekstremisckaj dziejnaści». Joj prysudzili «chatniuju chimiju».
Padrabiaznaści spravy nieviadomyja. Miarkujučy pa tym, što dziaŭčynu dadali ŭ milicejski śpis «ekstremistaŭ» pobač ź inšymi asudžanymi pa tym ža artykule, Nastaśsiu sudzili pa «spravie Hajuna».
***
Masavyja palityčnyja represii ŭ Biełarusi praciahvajucca z 2020 hoda.
Tady Alaksandr Łukašenka prajhraŭ Śviatłanie Cichanoŭskaj, ale nie addaŭ uładu.
Pa słovach hienieralnaha prakurora Andreja Švieda, tolki da kastryčnika 2023 hoda było zaviedziena bolš za 16 tysiač kryminalnych spraŭ «ekstremisckaj skiravanaści», heta značyć, palityčnaha charaktaru.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli źjechać z krainy.
«Sprava Hajuna» razhortvajecca z taho času, jak siłaviki zatrymali adnu z administratarak telehram-kanała «Biełaruski Hajun», jaki śpiecyjalizavaŭsia na adsočvańni pierasoŭvańniaŭ rasijskich vojskaŭ u krainie. Usich, chto paviedamlaŭ jamu infarmacyju, ciapier zatrymlivajuć pa miery rasšyfroŭki zdabytych siłavikami danych.
«Naša Niva» — bastyjon biełaruščyny
PADTRYMAĆCiapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
.....
Už skolko raz tvierdili miru nie polzovaťsia rosijskim tielehramom?
Heta nie zusim praŭda, Łuka kaniešnie prajhraŭ vybary, ale ž ludzi hałasavali nie ZA Śvietu, jak takavuju, a suprać Łuki, a Śvieta była fihuraj, jakaja była vinna pravieści novyja vybary bližejšym časam.