Tyktokier nabraŭ paŭmiljona prahladaŭ, zapościŭšy łuchtu pra biełaruski cukar
Błohier ź nikam palych325 apublikavaŭ u tyktoku videa, u jakim na prykładzie ŭpakoŭki cukru ad Słuckaha cukrovaha kambinata śćviardžaŭ, što abrevijatury na ŭpakoŭcy nibyta śviedčać pra typ cukru. Rolik za sutki nabraŭ amal paŭmiljona prahladaŭ, bolš za 6 tysiač łajkaŭ i šmat kamientaroŭ. Ale interpretacyja błohiera była całkam pamyłkovaja, piša slutsk-gorod.by.
Błohier pačaŭ videa z frazy «Nikoli nie kuplajcie cukar, nie aznajomiŭšysia z markiroŭkaj!» i zajaviŭ, što «katehoryja TS2 — heta cukar z tryśniahu (T) i burakoŭ (pa-rasiejsku «śviokła» — S) druhoj stupieni ačystki». Kamientatary taksama padzialilisia svaimi mierkavańniami, śćviardžajučy, što ŭ Biełarusi ŭsie zavody nibyta pierapracoŭvajuć i cukrovyja buraki, i cukrovy tryśnioh u roŭnych praporcyjach, a cukar TS1 (pieršaj stupieni ačystki) nibyta idzie tolki na ekspart.
Na hety post musili adreahavać vytvorcy cukru. Načalnik vytvorčaj łabaratoryi Słuckaha kambinata Alaksandr Syman rastłumačyŭ, što na samaj spravie paznaka na ŭpakoŭcy TS2 aznačaje «tovarnyj sort 2».
Usiaho, pa jaho słovach, isnuje čatyry katehoryi cukru: Ekstra, TS1, TS2 i TS3, i jany padzialajucca pavodle HOST 33222-2015:
- Ekstra — bieły cukar z utrymańniem čystaj cukrozy nie mienš za 99,8%;
- TS1 i TS2 — nie mienš za 99,7%, adroźnivajucca tolki koleram;
- TS3 — nie mienš za 99,5%, moža mieć žaŭtavataje adcieńnie i słabavyjaŭleny pach miełasy.
U pryncypie pa kolernaści adroźnivajucca ŭsie vidy cukru, ale bieź śpiecyjalnych pryboraŭ heta nie zaŭsiody možna ŭbačyć.
U Biełarusi, jak śćviardžaje Alaksandr Syman, vyrablajuć tolki bieły krystaličny cukar katehoryj Ekstra i TS2, i jon zaŭsiody vysokaj jakaści, što paćviardžajuć siertyfikaty i mižnarodnyja ŭznaharody.
Pry hetym uvieś biełaruski cukar robicca tolki z cukrovych burakoŭ. Nivodzin ź biełaruskich zavodaŭ zaraz nie vypuskaje cukar z cukrovaha tryśniahu abo sumiesi burakoŭ i tryśniahu, jak śćviardžaŭ błohier.
U biełaruskich kramach źjaviŭsia pradukt «Dubaj». Padobny da maroziva, ale nie zusim jano
U Baranavičach pjany mužčyna pakvapiŭsia na cukar z kavavaha aparata
«Sałodkaja hlina za 9 rubloŭ». Biełarusy spračajucca z-za cany na šakaładku «Alonka»
Coca-Cola pad ciskam Trampa mianiaje recept papularnych napojaŭ
Ci sapraŭdy raślinnyja alei škodnyja i jaki abrać?
Kamientary