Prezident ZŠA Donald Tramp zajaviŭ, što kampanija Coca-Cola nibyta pahadziłasia vykarystoŭvać sapraŭdny tryśniahovy cukar u napojach, jakija pradajucca ŭ ZŠA. Ciapier u amierykanskich napojach Coca-Cola zvyčajna vykarystoŭvajecca kukuruzny sirop, jaki vyklikaje zakłapočanaść u ministra achovy zdaroŭja Robierta Kienedzi-małodšaha. Jon ličyć hety inhredyjent škodnym dla zdaroŭja, piša Bi-bi-si.
Tramp napisaŭ u svajoj sacyjalnaj sietcy Truth Social, što damaŭlaŭsia z Coca-Cola ab zamienie siropu na tryśniahovy cukar, i što kampanija zhodna na heta. Pradstaŭnik Coca-Cola nie paćvierdziŭ pramuju źmienu receptu, ale zajaviŭ, što kampanija aceńvaje «entuzijazm prezidenta» i chutka raskaža pra novyja pradukty.
U inšych krainach, naprykład, u Mieksicy ci Vialikabrytanii, Coca-Cola ŭžo daŭno vykarystoŭvaje tryśniahovy cukar. U ZŠA ž asnoŭnym padsałodžvalnikam zastajecca kukuruzny sirop.
Pierachod na tryśniahovy cukar vyklikaŭ krytyku z boku pradstaŭnikoŭ kukuruznaj industryi. Jany śćviardžajuć, što heta pryviadzie da straty pracoŭnych miescaŭ i źnižeńnia prybytku amierykanskich fiermieraŭ.
Ministr achovy zdaroŭja ZŠA Robiert Kienedzi, jaki viadomy svajoj krytykaj inhredyjentaŭ u praduktach i vystupaje za zdarovaje charčavańnie, płanuje źmianić dziaržaŭnyja charčovyja rekamiendacyi ŭžo hetym letam. Jon źjaŭlajecca prychilnikam vyklučeńnia z praduktaŭ kukuruznaha siropu, raślinnych alejaŭ i štučnych farbavalnikaŭ.
Cikava, što sam Tramp addaje pieravahu dyjetyčnaj Coca-Cola sa štučnym padsałodžvalnikam aspartamam i navat mieŭ u Biełym domie knopku, kab jamu prynosili jaje.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary