«Žyvuć na Błakitnym bierazie». Łukašenka zapatrabavaŭ, kab «razumnyja handlary» išli handlavać u niepierśpiektyŭnyja vioski
Alaksandr Łukašenka choča, kab bujnyja handlovyja sietki brali na siabie sacyjalnuju adkaznaść.
Alaksandr Łukašenka na naradzie pa efiektyŭnaści handlovaha absłuhoŭvańnia nasielnictva čarhovy raz abrynuŭsia z krytykaj na bujnych rytejleraŭ.
Łukašenka abvinavaciŭ «razumnych handlaroŭ» u tym, što jany adkryli biznes u Minsku i zanadta dobra žyvuć, ale čamuści nie chočuć adkryvać kramy ŭ niepierśpiektyŭnych vioskach.
«Ja chaču, kab vy heta pačuli. U nas usie razumnyja handlary kinulisia ŭ bujnyja harady, pabudavali tut kramy, niadrenna žyvuć, praŭda, na Błakitnym bierazie ŭsie haspadary i ŭładalniki. Nu tak arhanizujcie tak, kab jany pracavali tam, u hłybincy», — zapatrabavaŭ Łukašenka.
Pa jaho płanie, pracavać usio pavinna tak: tyja, chto choča budavać biznes u vialikich haradach, pavinny brać na siabie «sacyjalnuju adkaznaść».
«U nievialikija vioski, chaj navat niepierśpiektyŭnyja, treba pryciahnuć handlovyja sietki dla absłuhoŭvańnia nasielnictva. Treba zabiaśpiečyć bałans: buduješ prybytkovy biznes u stalicy i inšych bujnych haradach — vaźmi na siabie sacyjalnuju adkaznaść pa absłuhoŭvańni spažyŭca na vioscy. Tym bolš što prablemnych rajonaŭ nie tak i šmat», — skazaŭ Łukašenka.
Kamientary
Jeśli nie miešať častnikam - oni vsiech prokormiat i vsiem datut rabotu.
Vioska ú vilejskim rajonie. Niepierśpiektyúnaja. Čatyry chaty žyvuć miascovyja kruhły hod, astatnija - dačniki.
Try aútałaúki. Dvie ú sieradu, adna, pustaja, miadzielskaha rajpo - u subbotu.
Dyk nachaleru jany, miadzielskija, jeduć, kali niama čym handlavać?
U pryvatnika, jaki jedzie ú sieradu, jość usio.
Sialpo Bajełkaapsajuza - heta niežyćciazdolnaja, karumpavanaja adryžka saúka!
Chto 30 hadoŭ budavaŭ "sacyjalnuju" dziaržavu? Voś toj chaj i niasie sacyjalnuju nahruzku. A to zatočany tolki, kab sabie ŭ kišeniu - ilhoty zabraŭ va ŭsich, kaho bačyŭ; pryvatyzacyju kvater časoŭ BSSR ułupiŭ, darmajedami hramadstva abražaje kožny raz... dy idzi ty na... błakitny bierah chacia b, na ruskim vajennym karabli płavać