Rasijskuju aktrysu biełaruskaha pachodžańnia Alaksandru Borcič uklučyli ŭ śpis «Miratvorac»
Rasijskaja aktrysa biełaruskaha pachodžańnia Alaksandra Borcič ŭklučana ŭ śpis ukrainskaha sajta «Miratvorac» za ŭdzieł u rasijskim filmie «Vikinh». Razam ź joj u śpis uklučyli akcioraŭ z kinastužki Daniłu Kazłoŭskaha i Śviatłanu Chadčankovu, piša «Kommiersant».
Alaksandra Borcič debiutavała ŭ kino ŭ filmie «Jak mianie zavuć» u 2014 hodzie. Na jaje rachunku bolš za 60 rolaŭ u kino i sieryjałach, u liku jakich «Pra kachańnie» (2015), «Duchless 2» (2015), «Chałop» (2019), «Miljard» (2019), «Topi» (sieryjał, 2011), «Fišer» (sieryjał, vychodzić z 2023-ha).
Sajt «Miratvorac» byŭ stvorany ŭ 2014 hodzie. Na im publikujuć piersanalnyja danyja ludziej, jakich ličać pahrozaj nacyjanalnaj biaśpieki Ukrainy.
U Alaksandry Borcič — biełaruskija karani. Jana naradziłasia ŭ Śvietłahorsku, ale paśla razvodu baćkoŭ pierajechała ŭ Hrodna, dzie jaje vychoŭvała babula da 10 hadoŭ. U toj čas maci Alaksandry žyła ŭ Maskvie, paśla jana zabrała dačku da siabie.
Borcič lubić Hrodna i čas ad času pryjazdžaje ŭ hety horad sustrakacca z babulaj i siabrami. Pra aktrysu zahavaryli ŭ Biełarusi paśla premjery rasijskaha filma «Vikinh» (2017), dzie Borcič ihrała rolu kniazioŭny Rahniedy.
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie4
Kamientary
Usie hetyja śpisy pra "nacyjanalnuju biaśpieku" zvyčajnaja durnota. Pa takich śpisach možna pałovu suśvietu zaličy, kali nia bolej