U Lepieli zatrymali palaka, jaki nibyta zdabyŭ dakumienty vučeńniaŭ «Zachad-2025»
U siužecie na Biełaruskim telebačańni pakazali zatrymanaha «polskaha špijona». Jon realny palak z Krakava, zavuć jaho Hžehaž Havieł, jon 1998 hoda naradžeńnia.
Havieł mieŭ pry sabie «Rasparadžeńnie ab arhanizacyi padrychtoŭki i ŭdziele ŭ SSV «Zachad-2025». Heta, jak śćviardžajecca, razdrukoŭka na 8 staronkach z hryfam «Sakretna». Hety dakumient jamu nibyta pieradali za niekalki chvilin da zatrymańnia.
Zatrymańnie pravodziła kontrraźviedka KDB.
Siarod asabistych rečaŭ palaka — hrošy roznych krain, u tym liku čamuści bałharskija levy i sim-karta MTS, jakuju, jak śćviardžajecca, jon sam nie nabyvaŭ, a ad kahości atrymaŭ.
Ni biełaruskaj, ni ruskaj movami Hžehaž Havieł, jak vyhladaje, nie vałodaje.
Taksama ŭ siužecie paviedamili, što razam z palakam zatrymanyja i hramadzianie Biełarusi, jakich, adnak, nie pakazali. Tyja hramadzianie nibyta dapamahali jamu za hrošy, a adzin raz u jakaści padarunku atrymali dadatkova kavu i šakaładki. Cikavili palaka źviestki pra zakrytyja vajskovyja abjekty, kamandny skład i supracoŭnikaŭ vajskovaj kontrraźviedki.
Na Havieła zaviali kryminalnuju spravu pa artykuł art. 358 KK (špijanaž).
Zatrymanym, jak vyśvietliła «Naša Niva», akazaŭsia 27-hadovy brat-karmielit z Krakava. Pry zatrymańni pry im znajšli taksama ružaniec i paštoŭki-abrazki.
Kamientary