U šakaładcy ad «Kamunarki» znoŭ znajšli čarviaka. Chto vinavaty?
Na minułym tydni ŭ siecivie źjavilisia dva krytyčnyja videaahlady pradukcyi fabryki «Kamunarka». U adnym ź ich była skarha na čarvivyja cukierki, a ŭ druhim žycharka Minska pakazała čarviaka ŭ šakaładcy z salonaj karamiellu, jakuju dała joj babula. U jakoj kramie kuplali hetu šakaładku, nichto ŭžo nie pamiataje, pišuć «Minsk-Naviny».
Za try dni videa z čarviakom u šakaładcy nabrała bolš za 120 tysiač prahladaŭ, adnak bolšaść kamientataraŭ stali na bok vytvorcy. Jany adznačali, što prablema nie ŭ terminie prydatnaści, a va ŭmovach zachoŭvańnia, i što krama, mahčyma, zachoŭvała tavar niapravilna.
Babuška podariła šokoładku
Na fabrycy vyvučyli videa, ale jano nie dało dastatkovaj infarmacyi, kab vyznačyć, na jakim etapie adbyłosia zaražeńnie šakaładu. Tam nie było danych pra handlovy punkt ci datu pakupki.
Fabryka patłumačyła, što pry spryjalnych umovach raźvićcio škodnikaŭ ad jajka da ličynki adbyvajecca za 2—3 tydni, a hałoŭnaja pryčyna zaražeńnia — parušeńnie ŭmoŭ zachoŭvańnia abo susiedstva ź inšymi praduktami, zaražanymi ličynkami.
Vytvorcy padkreślili, što lubaja handlovaja arhanizacyja niasie adkaznaść za ŭmovy zachoŭvańnia pradukcyi, jaje abaronu ad psavańnia i škodnikaŭ, a taksama za sanitarny stan pamiaškańniaŭ. Kandytarskija vyraby pavinny zachoŭvacca ŭ suchich, čystych pamiaškańniach z dobrym pravietryvańniem, biez starońnich pachaŭ i škodnikaŭ, pry tempieratury +18 ºC (±3 ºC) i adnosnaj vilhotnaści nie vyšej za 75 %. Produkcyja nie pavinna znachodzicca pad pramymi soniečnymi pramianiami.
Fabryka taksama paviedamiła pra partyju małočnaha šakaładu z salonaj karamiellu ad 20 studzienia 2025 hoda. Jaje było vypuščana bolš za try tony i całkam realizavana jak u Biełarusi, tak i na ekspart. Skarhaŭ na jakaść ad pakupnikoŭ i handlovych punktaŭ nie pastupała. Na składach hety šakaład z 21 sakavika 2025 hoda nie zachoŭvajecca, a ekśpierty pravieryli ŭzory ŭ pakoi dla arbitražnaj pradukcyi i nie znajšli parušeńniaŭ.
Što tyčycca sanitarna-hihijeničnaha zabieśpiačeńnia, to na fabrycy štodnia pravodziać apracoŭku abstalavańnia, invientara i tary, štomiesiac — sanitarnyja dni z poŭnym prypynieńniem vytvorčaści. Arhanizavanaja prafiłaktyčnaja dezynfiekcyja suprać hryzunoŭ i nasiakomych, kantralujecca tempieraturna-vilhotny režym padčas vytvorčaści i zachoŭvańnia pradukcyi.
Usie partyi pradukcyi, pryznačanyja dla prodažu, praviarajucca pa orhanaleptyčnych, fizika-chimičnych i biaśpiečnych pakazčykach. Jakaść i biaśpieka paćviardžajecca vynikami vyprabavańniaŭ u vytvorčaj łabaratoryi i niezaležnych akredytavanych łabaratoryjach. Fabryka harantuje jakaść i biaśpieku pradukcyi na praciahu terminu prydatnaści pry vykanańni ŭmoŭ zachoŭvańnia i pravilnaha susiedstva praduktaŭ u handlovych abjektach i ŭ pakupnikoŭ.
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach77
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach7
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary