Biełaruska znajšła ŭ cukierkach «Kamunarki» ličynki. Na fabrycy prakamientavali situacyju
Na minułym tydni ŭ adnym z čataŭ dziaŭčyna padzialiłasia videa, na jakim pakazany čarvivyja cukierki. Słodyčy «Čyrvony kapialušyk. Załataja kalekcyja» byli nabytyja ŭ kramie «Majak» u Viciebsku.
«Vot takija siurpryzy znachodziacca ŭ cukierkach «Čyrvony kapialušyk. Załataja kalekcyja» ad «Kamunarki». Košt 40 rubloŭ za kiłahram. Z usioj upakoŭki bieź ličynak było tolki čatyry cukierki!» — raskazała dziaŭčyna.
Paśla taho, jak infarmacyja pra prablemu źjaviłasia ŭ internecie, adździeł kantrolu jakaści «Kamunarki» raspačaŭ rasśledavańnie.
— Usia vypuščanaja «Kamunarka» pradukcyja, jakaja nakiravana na realizacyju ŭ handlovyja abjekty, pravierana pa arhanoleptyčnych, fizika-chimičnych i pakazčykach biaśpieki ŭ adpaviednaści z zaćvierdžanymi hrafikami i schiemami vytvorčaha kantrolu, što paćviardžajecca vynikami vytvorča-technałahičnaj łabaratoryi pradpryjemstva, a taksama niezaležnymi akredytavanymi łabaratoryjami. Pa vynikach pravierki niesupadzieńniaŭ nie vyjaŭlena, — adkazaŭ vytvorca.
Pradstaŭnik «Kamunarki» paviedamiŭ, što na zavodzie pracuje sistema kandycyjanavańnia, jakaja padtrymlivaje nieabchodnyja ŭmovy dla vytvorčaści. Na składzie taksama cočać za tempieraturaj i vilhotnaściu, a na voknach ustalavany maskitnyja sietki, kab kazurki nie mahli trapić unutr. Rabotniki staranna myjuć i apracoŭvajuć abstalavańnie paśla kožnaj źmieny. Akramia taho, usia pradukcyja praviarajecca pierad adpraŭkaj u kramy.
Možna dapuścić, što termin prydatnaści praduktu prosta skončyŭsia, i ŭžo ŭ handlovym abjekcie ŭ spryjalnych umovach u im źjavilisia škodniki.
— «Kamunarka» harantuje jakaść svajoj pradukcyi, kali pakupniki i kramy vykonvajuć umovy zachoŭvańnia: tempieratura pavinna być nie vyšej za 15 °C, a vilhotnaść — nie bolš za 75 %. Niajakasny pradukt padlahaje viartańniu ŭ handlovy abjekt, dzie jon byŭ nabyty. U vypadku nieabchodnaści handlovy abjekt źviažacca z vytvorcam, — dadaŭ pradstaŭnik.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary