«Jon moža pryjechać u Kijeŭ». Zialenski adkazaŭ Pucinu na prapanovu sustrecca ŭ Maskvie
Prezident Ukrainy adchiliŭ zaprašeńnie Uładzimira Pucina pryjechać u Maskvu dla pieramovaŭ, zamiest hetaha prapanavaŭ rasijskamu kiraŭniku pryjechać u Kijeŭ. Pra heta Uładzimir Zialenski zajaviŭ u intervju ABC News, piša «Ukrainskaja praŭda».
«Jon moža pryjechać u Kijeŭ. Ja nie mahu jechać u Maskvu, kali maja kraina štodnia znachodzicca pad rakietnym abstrełam. Ja nie mahu jechać u stalicu hetaha terarysta. Pucin razumieje heta», — skazaŭ Zialenski.
Pavodle słoŭ ukrainskaha prezidenta, prapanova Pucina vyhladała jak sposab adkłaści realnuju sustreču.
«Viedajecie, kali čałaviek nie choča sustrakacca padčas vajny, jon, viadoma, moža prapanavać niešta, što budzie prymalna dla mianie abo dla inšych», — adznačyŭ Zialenski.
Raniej Pucin zajaviŭ, što jon nie źbirajecca jechać kudyści dla praviadzieńnia pieramovaŭ z prezidentam Ukrainy Uładzimiram Zialenskim, ale hatovy sustrakacca ŭ Maskvie.
«Ukraina choča sustreču, ja hatovy, pryjazdžajcie, my zabiaśpiečym umovy dla pracy i biaśpieku. Atrymlivajecca, što my hatovyja, ale vy pryjazdžajcie», skazaŭ Pucin učora padčas vystupu na Uschodnim ekanamičnym forumie.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!4
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary