Pucin nie bačyć sensu ŭ sustrečy z prezidentam Ukrainy Uładzimiram Zialenskim, bo damovicca budzie «praktyčna niemahčyma». Pra heta prezident Rasii zajaviŭ padčas Uschodniaha ekanamičnaha forumu na Dalokim Uschodzie, paviedamlaje RBK.
Adnak jon zajaviŭ, Maskva hatova da kantaktaŭ z ukrainskim bokam.
«Rasija budzie pavažać harantyi biaśpieki, jakija pavinny być vypracavanyja dla Rasii i Ukrainy», — adznačyŭ prezident Rasii.
Pucin taksama paviedamiŭ, što adkryty da razmoŭ z prezidentam ZŠA Donaldam Trampam, a taksama zajaviŭ ab damoŭlenaści ź im pry nieabchodnaści pravodzić telefonnyja razmovy.
Raniej pres-sakratar Kramla Dźmitryj Piaskoŭ zajaviŭ, što Pucin zaprašaŭ Zialenskaha ŭ Maskvu dziela razmovy, a nie kapitulacyi.
«Heta była prapanova Pucina», jakaja «była asabista adchilena Zialenskim praź jaho kiraŭnika MZS», skazaŭ Dźmitryj Piaskoŭ.
Kamientary