«Ён можа прыехаць у Кіеў». Зяленскі адказаў Пуціну на прапанову сустрэцца ў Маскве
Прэзідэнт Украіны адхіліў запрашэнне Уладзіміра Пуціна прыехаць у Маскву для перамоваў, замест гэтага прапанаваў расійскаму кіраўніку прыехаць у Кіеў. Пра гэта Уладзімір Зяленскі заявіў у інтэрв’ю ABC News, піша «Украінская праўда».
«Ён можа прыехаць у Кіеў. Я не магу ехаць у Маскву, калі мая краіна штодня знаходзіцца пад ракетным абстрэлам. Я не магу ехаць у сталіцу гэтага тэрарыста. Пуцін разумее гэта», — сказаў Зяленскі.
Паводле слоў украінскага прэзідэнта, прапанова Пуціна выглядала як спосаб адкласці рэальную сустрэчу.
«Ведаеце, калі чалавек не хоча сустракацца падчас вайны, ён, вядома, можа прапанаваць нешта, што будзе прымальна для мяне або для іншых», — адзначыў Зяленскі.
Раней Пуцін заявіў, што ён не збіраецца ехаць кудысьці для правядзення перамоваў з прэзідэнтам Украіны Уладзімірам Зяленскім, але гатовы сустракацца ў Маскве.
«Украіна хоча сустрэчу, я гатовы, прыязджайце, мы забяспечым умовы для працы і бяспеку. Атрымліваецца, што мы гатовыя, але вы прыязджайце», сказаў Пуцін учора падчас выступу на Усходнім эканамічным форуме.
Цяпер чытаюць
Работніцы «Мінск-Арэны» далі калонію за «садзейнічанне экстрэмізму»1
Работніцы «Мінск-Арэны» далі калонію за «садзейнічанне экстрэмізму»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары