Łukašenka pra banki: To staryja dalary nie prymajuć, to naviazvajuć pasłuhi
Na naradzie z pradstaŭnikami bankaŭskaha siektara Łukašenka zajaviŭ, što ŭ Biełarusi nie dazvolać bankam kryŭdzić ludziej nadumanymi pytańniami, typu niemahčymaści abmienu starych dalaraŭ, piša BiełTA.
Jon zajaviŭ, što ŭ cełym situacyja ŭ hrašova-kredytnaj śfiery i na valutnym rynku bojazi nie vyklikaje. Ale «jość niedapracoŭki, jakija treba vypraŭlać».
U pryvatnaści, Alaksandr Łukašenka zhadaŭ pra skarhi ŭ adras bankaŭ ad zvyčajnych ludziej: to staryja dalary nie prymajuć, to naviazvajuć klijentam strachavyja pasłuhi.
«Davajcie damovimsia, z 1 studzienia 2026 hoda najaŭnaść takich faktaŭ aŭtamatyčna paciahnie dyscyplinarnuju adkaznaść kiraŭnika banka, — zajaviŭ jon — kryŭdzić ludziej niejkimi nadumanymi pytańniami nielha».
Taksama jon zajaviŭ, što nieabchodna terminova pierałamać situacyju z rostam inflacyi.
Na hety momant tempy pryrostu spažyvieckich cen da ŭzroŭniu lipienia minułaha hoda ŭ hadavym vyražeńni ŭžo skłali 7,4%. Hadavy paramietr zapłanavany nie vyšej za 5%.
Łukašenka zapatrabavaŭ pierałamać tendencyju rostu inflacyi i «ŭzmacnić u hetym rolu Nacbanka, jakaja pakul u hetym pracesie naohuł nie bačnaja».
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary