Kolki kaštuje dabracca ŭ Polšču za dzień da zakryćcia miažy. Ceny ŭražvajuć, a machlary nie śpiać
U noč z 11 na 12 vieraśnia Polšča całkam zakryvaje miažu ź Biełaruśsiu. Pahladzieli, što adbyvajecca na miažy za sutki da zakryćcia i kolki kaštuje terminova prajechać.
Prajeduć nie ŭsie
Pa stanie na 14 hadzin 10 vieraśnia, u elektronnaj čarzie na vyjezd ź Biełarusi ŭ Polšču naličvajecca 1410 lehkavych aŭto.
Z ulikam taho, što za sutki prajazdžaje ŭ siarednim kala 700 mašyn, vynikaje, što prajeduć nie ŭsie, bo da zakryćcia miažy zastajecca 34 hadziny.
Atrymlivajecca, što adziny sposab harantavana paśpieć dabracca ŭ Polšču na mašynie ź biełaruskimi numarami, kali ŭ vas niama litoŭskaj vizy abo DNŽ, — heta znajści pasažyra, jaki maje prava na pryjarytetnaje pierasiačeńnie miažy.
Samy tanny varyjant — 200 jeŭra, praŭda, za pasažyram z pryjarytetam daviadziecca jechać až u Słonim. Jość pryjarytetnyja pasažyry i ź inšych haradoŭ, naprykład, z Hrodna.
Inšyja prosiać ad 250 da 300 jeŭra.
Machlary taksama ŭ temie?
Taksama varta adznačyć, što jość padazronyja prapanovy. Amal adrazu paśla źjaŭleńnia zapytu pra pošuk pryjarytetu ludziam adpisvaje nibyta dziaŭčyna pa imieni Julija, jakaja prapanuje padzialicca kantaktam taho, chto nibyta dapamahaŭ joj z prajezdam praź miažu biez čarhi.
Dalej užo ź inšaha akaŭnta pišuć, što pryjarytet jość, ale patrebnyja nastupnyja danyja: marka, madel, koler aŭto, rehistracyjnyja numary i apłata. Paśla čaho nibyta lhotnik budzie čakać čałavieka ŭ Breście. Apłacić treba zahadzia, pieravodam na polski rachunak. Košt pasłuhi ŭ pamahatara — usiaho 500 złotych (kala 120 jeŭra).
Kolki kaštuje sieści na padsadku?
Za pravoz praź miažu biaruć ad 50 jeŭra. Z Bresta da Varšavy možna dabracca za 80‑100 jeŭra. Volnyja miescy raźbirajuć vielmi chutka. Padsieści ŭ 3— 4‑ty aŭtobus ranicaj 10 vieraśnia možna było za 50 jeŭra, bližej da siaredziny dnia taryf vyras da 70 jeŭra.
Ciapier čytajuć
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi1
Kamientary