Narkotyki, piratechnika, padrobka biletaŭ: za što zatrymlivali biełarusaŭ na kancercie Karža
U palicyi Varšavy paviedamili telekanału «Biełsat», za jakija złačynstvy zatrymlivali hramadzianaŭ Biełarusi na kancercie Maksa Karža. Siarod pravaparušeńniaŭ — zachoŭvańnie narkotykaŭ, sproba pranieści piratechniku i padrobka biletaŭ. Za heta byli zatrymanyja 7 biełarusaŭ.
Ahułam, jak paviedamlałasia, na kancercie biełaruskaha śpievaka Maksa Karža na Nacyjanalnym stadyjonie ŭ Varšavie 9 žniŭnia zatrymali 109 čałaviek, siarod ich było 13 hramadzian Biełarusi. Šaściora ŭčynili drobnyja parušeńni, a siamiora — kryminalnyja złačynstvy.
U pres-słužbie varšaŭskaj palicyi «Biełsatu» raskryli, jakija mienavita złačynstvy ździejśnili hramadzianie Biełarusi:
«Zachoŭvańnie narkotykaŭ, praniasieńnie piratechničnych vyrabaŭ na masavaje mierapryjemstva, padrobka kvitka, parušeńnie asabistaj niedatykalnaści i parušeńnie paradku praviadzieńnia masavaha mierapryjemstva. Hramadzianie Biełarusi taksama byli zatrymanyja za nievykanańnie zahadaŭ pravaachoŭnych orhanaŭ».
U palicyi taksama nahadali, što pytańnie departacyi parušalnikaŭ vyrašajuć pamiežniki.
25 žniŭnia pres-słužba Pamiežnaj achovy Polščy paviedamlała, što troch biełarusaŭ užo departavali: adzin vyjechaŭ dobraachvotna, dvuch vyvieźli prymusova. Ahułam, jak kazaŭ premjer Donald Tusk, z Polščy płanavali vysłać šaściarych hramadzian Biełarusi.
Praz tydzień paśla kancertu Maks Korž u svaim instahramie nazvaŭ niedapuščalnymi hvałt i ahresiju:
«Siabry, niama miesca radykalnamu nacyjanalizmu na kancertach, hetak ža jak i ahresii dy hvałtu ź luboha boku. Heta supiarečyć samaj sutnaści kancertaŭ. Tolki ŭzajemnaja pavaha. Padobnyja pravakacyi raspalvajuć mižnacyjanalnuju varožaść, a značyć — niedapuščalnyja».
U Gazeta Wyborcza źjaviŭsia zvarot palakaŭ da Tuska, u jakim rezka asudžajucca departacyi paśla kancerta Karža
«Korž ultanuŭ». A čamu ŭltanuŭ?
Paźniak žorstka vykazaŭsia pra Karža: Antyestetyčnaje, antymastackaje šarłatanstva, raźličanaje na dehienieratyŭnaje ŭspryniaćcie
Ukrainiec, jaki pryjšoŭ sa ściaham UPA na kancert Karža, zapisaŭ vybačalnaje videa
Na kancercie Karža varšaŭskaja palicyja zatrymała 109 čałaviek. I praviaraje łozunhi, jakija hučali na stadyjonie
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary
Fanaty Karža pavodzili siabie jak bydła? Tak. Mnohich departavali za tyja pavodziny, parušeńnie zakonaŭ? Tak. Ci miesca takim ruskim pacanam ŭ cyvilizavanym hramadstvie? Liču, što nie, maju prava na mierkavańnie i jaje publikacyju.
[Zredahavana]
Łapidarnaja karcina śvietu i sproby tłumačeńniaŭ usiaho na śviecie znoŭ mima. Ź pieršakrynicami łapidarnaści daŭno ŭsio zrazumieła.
Cikava, što zaraz zaśpiavajuć pra złych palakaŭ ćviordyja amatary łapidarnaj bazy?