U pieršaj pałovie vieraśnia nadvorje jašče radavała ciapłom, ale ŭžo z 15 pa 21 vieraśnia sinoptyki prahnazujuć pastupovy pierachod da sapraŭdnaj vosieni. Pra heta raskazaŭ u efiry ANT viadomy biełaruski sinoptyk Dźmitryj Rabaŭ.
Dźmitryj Rabaŭ adznačyŭ, što, jak i letaś, vierasień sioleta pačaŭsia z davoli ciopłym nadvorjem, ale jano nie zatrymajecca nadoŭha.
Užo z pačatku tydnia čakajecca vobłačnaje nadvorje z karotkačasovymi daždžami, miescami mahčymyja navalnicy. Nočču tempieratura budzie trymacca ŭ miežach +9…+15, udzień u paniadziełak — ad +14 na paŭnočnym zachadzie da +24 na paŭdniovym uschodzie, u aŭtorak — kala +20…+24 hradusaŭ.
Siaredzina tydnia pryniasie bolš daždžoŭ i pachaładańnie: u sieradu ŭnačy čakajecca +7…+14, udzień +14…+19. U čaćvier i piatnicu stanie jašče chaładniej: unačy +8…+13, udzień u miežach +12…+19 u čaćvier i +12…+17 u piatnicu.
Vychadnyja taksama buduć pieravažna vobłačnymi, z daždžami ŭ bolšaści abłaściej. Miescami mahčymy tuman z drennaj bačnaściu. Nočču čakajecca +10…+17, a dniom tempieratura nie pieravysić +15 hradusaŭ.
Sinoptyk adznačyŭ, što leta pavolna, ale ŭpeŭniena pakidaje Biełaruś, chacia jašče moža być i babina leta.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary