«My ličym heta svajoj pamyłkaj». Kinateatr Mooon prakamientavaŭ načny incydent na sieansie
Dla hledačoŭ, jakija pryjšli 17 studzienia na biełaruskuju premjeru filma «Pakajoŭka» ŭ kinateatr Mooon, što ŭ «Dana Moł», uražańni byli sapsavanyja bojkaj u zale. Padčas sieansa niekalki siabrovak i paračka stali bicca, łajacca i ablivacca sprajtam. Čamu situacyja nie była ŭrehulavanaja administracyjaj, pytalisia hledačy.
«Toje, što adbyłosia — niedapuščalna. My całkam padzialajem abureńnie haściej, čyj viečar byŭ sapsavany», — prakamientavała kinaprastora Mooon, pieradaje «Minsk. Hłavnoje».
Pavodle zajavy, dla ŭrehulavańnia kanfliktu byŭ vyklikany narad achovy. Niahledziačy na parušeńnie paradku, baki nie stali pisać zajavy adzin na adnaho.
«My nie možam vychavać darosłych ludziej. My ličym svajoj pamyłkaj toje, što parušalniki paradku zmahli viarnucca ŭ zału paśla kanfliktu — hetaha nie pavinna było adbycca», — dadali ŭ administracyi.
Načny kinapakaz filma «Pakajoŭka» ŭ Mooon 17 studzienia skončyŭsia krykami i bojkami.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary